Magaalada Jamaame ee wilaayada islaamiga ee Jubbooyinka waxaa ka dhacay xukuno isuga jira Xaddu-ridda iyo Rajmin, kuwaas oo lagu fuliyay dad isuga jira rag iyo dumar.
Sadax ka tirsan dadkan waxaa lagu fuliyay xukun Xadu-rido ah, halka midkood lagu fuliyay xukun Rajmi ah.
Labo kamid ah waxay ahaayeen askar ka tirsan DF halka mid ay ahayd haweeney la shaqeeneysay sirdoonka Kenya.
Eedeysanaha koowaad ee maxkamaddu soo bandhigtay xukunkana lagu fuliyay waxaa lagu magacaabaa Suleymaan Maxamad Siciid kaasoo kamid ahaa ciidanka Boliska DF ee ka hawl gala magaalada Muqdisho.
Eedeysanaha labaad wuxuu ahaa Yarow Baaf Cusmaan oo ka tirsanaa maamulka Koofur Galbeed, gaar ahaan wuxuu gudoomiye xaafadeed ka ahaa degmada Diinsoor, waxaa lagu eedeeyay inuu ka dambeeyay dad la dilay.
Eedeysanaha sadaxaad waxay ahayd haweeney lagu magacaabo Iqro Cabdi Aadan oo ay Kenyaatiga kasoo direen Mandheere si ay wilaayaadka islaamiga ah uga uruuriso macluumaadyo ay iyagu u baahnaayeen, waxaana ay gudbisay xog badan sida uu qaadigu sheegay.
Haddaba sadaxdooda ayaa waxaa lagu fuliyay dil toogasho ah kadib markii ay maxkamaddu ku riday xukun Xaddu-riddo ah.
Maxkamadda Islaamiga ah ee Jamaame ayaa isla galabta xukun kale oo Rajmi (Dhagax ku dulid ah) ku ridday Nuur Bakar Jiirow oo lagu eedeeyay in isagoo xaasle ah uu kufsaday gabar 16 jir ah, kaasoo markii uu qirtay isna lagu fuliyay xukunkii Rajmiga.
Tan iyo Arbacadii waxay Al-Shabaab rideen xukuuno dil ah oo gaaraya 18 kuwaasoo lagu fuliyay dad isugu jiray basaasiin, askar ka tirsan DF, Sixiroole iyo ninka kufsiga geystay.
About The Author
