Dowladda Saliibiyadda ah ee Xabashida Itoobiya ayaa mar kale shaaca ka qaadday in ay sii laba-jibbaartay dedaalka ay ugu jirto sidii ay ku hir-gelin lahayd damaceeda ku aaddan gurracan ee xayuubsiga marin ay ka hesho biyaha Badda.
Golaha Xisbiga uu hoggaamiyo Gaal Abiy Axmed ee Barwaaqo ayaa kulan ay yeesheen oo socday muddo saddex maalmood ah diiradda lagu saaray guullihii ay xukuumaddu ku tallaabsatay sanadihii lasoo dhaafay, iyagoo si gaar ah farta ugu fiiqay kor u qaadista mawqifka juqraafiyeed ee Itoobiya ay ku leedahay gobolka geeska Afrika.
Kulankan oo jimcihii lasoo dhaafay lagu soo gunaanaday caasimadda Addis Ababa ayaa laga soo saaray Bayaan lagu faahfaahiyey sida ay xukuumaddu uu hoggaamiyo Abiy Axmed sare ugu qaadday wax ay ku sheegeen xuquuqda dabiiciga iyo taariikhiga ah ee helitaanka Badda ilaa heer caalami.
War-murtiyaadkan ayaa sidoo kale lagu xusay in kor-u-qaadista damaca badeed ee Xabashida uu yimid kadib markii dowladda Itoobiya ay qaadday tallaabooyin wax-ku-ool ah oo ku wajahan sidii loo soo celin lahaa wax ay ku sheegeen booska saxda ah ee Itoobiya ay ku yeelan doonto Badda Cas.
Dhawaaqan mar kale kasoo yeeraya Kuffaarta Xabashida Itoobiya ayaa imanaya xilli muddooyinkan dambe aad loo hadal-hayay in Xabashidu ay damacsan tahay meel-marinta heshiiskii xaaraanta ah ee ay la galeen hoggaamiyihii hore ee maamulka gaallo-raaca ah ee Somaliland Murtad Muuse Biixi Cabdi, kaas oo qalinka ku duugay in Itoobiya ay qaadato xeebaha Istaraatiijiga ah ee waqooyiga Soomaaliya.
About The Author
