Maamulka ashahaada la dirirka ah ee Somaliland, ayaa sheegay in uu ku jiro qorshe uu dowladda saliibiyadda Maraykanku ku siinayo saldhig millatari oo ay ka dhisato magaalo xeebeedda Berbera ee dhacda gobolka waqooyi galbeed Soomaaliya.
Wakiilka maamulkaasi ashahaada la dirirka ah u jooga Maraykanka, Bashiir Good ayaa warbixin uu siiyay wakaaladda wararka u faafisa maamulkaasi waxa uu ku sheegay in maamulkiisu ku jiro qorshaha uu saldhigga Berbera kaga siinayo Maraykanka.
Ninkan ayaa sidoo kale sheegay in maamulkiisu ka go’an yahay in uu cilaaqo la yeesho dowladda Maraykanka, maamulka fadhigiisu yahay Hargaysa ayaa aaminsan in Maraykanku maamulkooda u aqoonsan doono dowlad madax bannaan oo ka go’an Somalia inteeda kale.
Hadalka kasoo yeeray maamulka uu hoggaamiyo murtad Cabdiraxmaan Cirro ayaa kusoo beegmaya, xilli maalmo ka hor 2 xildhibaan oo ka tirsan xisbiga Jamhuuriga ay soo jeediyeen hindise sharciyeed dowlad madax bannaan loogu aqoonsanayo maamulka Somaliland.
Waxay xubnahan qaanuun gaaleedkaasi horgeeyeen Kongareeska 118-aad ee dalka Maraykanka, inkastoo aanan weli cod loo qaadin, sidoo kale wuxuu sharcigaas doonayaa in Mareykanku joogitaan diblomaasiyadeed ka sameeyo magaalada Hargeysa ee xarunta waqooyi galbeed soomaaliya, iyada oo loo marayo safaarad ama qunsuliyad.
Arimahan oo idil waxay imaanayaan xilli dhawaanahan ay oo baxayeen warar sheegaya in Maamulka Yahuudda ee xoogga ku heysta dhulalka muslimiinta ee falastiin uu daneynayo in uu saldhig ciidan ka sameysto xeebaha badda Cas ee soomaaliya gaar ahaan magaalada Berbera.
About The Author
