Taliyaha maleeshiyada Booliiska maamul goboleedka ashahaada la dirirka ah ee Puntland, murtad Muumin Cabdi Shire ayaa isaga oo la hadlayay saraakiil iyo maleeshiyo ka tirsan maamulkaasi, waxa uu digniin u diray maleeshiyo kale oo kasoo horjeeda.
Murtadkan ayaa sheegay inaan hub loo oggolayn maleeshiyo kale oo aan ka amar qaadan maamulka uu fadhigiisu yahay magaalada Garoowe, wuxuuna xusay inay jiraan maleeshiyo hubeysan oo deegaannadooda ku sugan oo uu tilmaamay inay dhinacyo kale ku xiranyihiin.
“Waxaa jira ciidamo kale oo hubaysan oo aan dowlada ka amar qaadan, waa ciidan barawsin dambe leh, wixii xad gudba oo xadka dhaafa waa inaad nagu taageertaan in tallaabo laga qaado”. Waxaa sidaas saraakiisha Booliiska ku yiri murtad Muumin Cabdi Shire.
Isagoo hadliisa sii wata ayuu yiri “Haddii nidaamka iyo dowladnimada la hor istaago, inaan difaacno waa ku khasbannahay”.
Hadalka taliyaha maleeshiyada Booliiska maamulka Siciid Deni ayaa waxa uu kusoo beegmayaa xilli deegaannada maamulkaasi la sheegay inay ku sugan-yihiin maleeshiyo ka amar qaata kooxda Riddada Soomaaliya, kuwaas oo uu mushaaraadka ka goostay maamulka Riddada Puntland.
About The Author
