Wararka ka imaanaya magaalada Hargeysa ee xarunta gobalka Waqooy Galbeed ee dalka Somaliya waxey sheegayaan in habeenkii xalay ciidamada maamulka gaala raaca isku magacaabay Somaliland xabsiga dhigeen Sheekh Aadam Sunne oo ka mid ah culimada Soomaaliyeed ee ku dhaqan magaalada Hargeysa.
Ciidamada RRU oo ah kuwa nabadsugida ee maamulka dowlada Itoobiya u adeegsa ee Siilaanyo madaxweyaha u yahay ayaa Sheekha habeenkii xalay kala baxay hooygiisa oo ku yaala gudaha magaaladaasi.
Qaar ka mid ah ehelada Sheekha ayaa sheegay in ciidamada RRU ay si xun ula dhaqmeen sheekha iyo ehelkiisa islamarkaana ay rasaas nool nool u adeegsadeen ehelkiisa xilligii ay guriga kala baxayeen.
Dad daris la ah Sheekh Aadam Sunne ayaa isku dayay in maleeshiyaadka RRU ay ka hor istaagaan guriga Sheekha balse kuma guuleysan oo waxay adeegsadeen awood xad dhaaf ah, rasaas xooggan oo ay furayeen ciidamada weerarka qaaday ayaa xalay laga maqlay magaalada Hargeysa.
Maamulka Ashahaado la dirirka Somaliland ayaa Sheekha ku heysta Khudbad Maalintii Ciida Carafo uu ka jeediyay fagaaro Salaada ciida lagu dukaday oo ku yaala magaalada Hargeysa waxa uu Sheekha Khudbadiisa maalintaasi si aad ah ugu weeraray ciidamada RRU ee nabad sugida maamulka Siilaanyo kuwaasi oo tacadiyo iyo ficillo naxdin leh kula dhaqaaqa dadka shacabka.
Labo Bil iyo bar ka hor ayeey aheed markii maamulka Siilaanyo uu xabsi ku yaala magaalada Hargeysa kasii daayay Sheekh Aadam Sunne oo sidaan oo kale dhowr jeer ay xabsi u dhigeen.
Calamada.com
About The Author
