Waxaa marba marka ka dambaysa sii cakirmaya khilaafaadka u dhaxeeya kooxda Riddada Soomaaliya oo waxa loogu yeero beesha caalamku ay geed dheer iyo mid gaabanba u fuushay sidii daba-dhilifyadan ay ku adeegato isugu soo dhawayn lahayd.
Xasan-Gurguurte oo wajahaya cadaadisyo caalamiya ayaa dhawaan gogol u fidiyey mucaaradka iyo guud ahaan maamul-goboleedyada, waxaana bayaan kasoo baxay madaxtooyada Villa Somaliya lagu sheegay in kulanka madashaasi ay ku muddaysan tahay labada maalmood ee ugu horreeya bisha soo socota ee May.
Madaxda maamullada Jubbaland iyo Puntland oo si weyn uga hor-yimi ajandayaasha Gurguurte ayaan bayaanka madaxtooyada lagu caddayn in ay ku jiraan daba-dhilifyada loo baaqay iyo in kale maadaama aan xal lag gaarin khilaafkii kala dhaxeeyey iyaga iyo kooxda Xasan Gurguurte.
Inkastoo Axmed-madoobe ka mid ahaa dadkii gogoshaasi soo dhaweeyey, hadana warar saacidihii u dambeeyey soo baxay ayaa sheegaya in casuumaddda uu Xasan Gurguurte u diray madaxda maamul-goboleedyada uu si cad uga reebay madaxa maamulka Riddada ah ee Jubbaland.
Tallaabadan oo ah weji-gabax hor leh oo lasoo dersay Axmed-madoobe ayaa waxaa jawaab adag ka bixiyey Murtad C/Fataax Maxamed Mukhtaar oo ah wasiirka warfaafinta maamulka Jubbaland, waxaanu sheegay in shirkaasi ay horeyba u qaadaceen, isla markaana ka qayb-galkiisa aanay diyaar u ahayn.
“Jubbaland waxay go’aan mas’uuliyad ku dheehan tahay ku gaartay inay ka baxdo Madasha Wadatashiga 7-dii Oktoobar 2024, Madaxweyne Xasan haddii uu hilmaamay, waa in la xasuusiyo in Jubbaland aan laga maamulin Villa Somaliya” Sidaas waxa yiri Wasiirka Warfaafinta Jubbaland.
Maamulka Puntland ayaa isaguna ganafka ku dhuftay ka qayb-galka shirkaasi, waxaana wasiirka warfaafinta maamulkaasi Maxamuud Caydiid Dirir uu ku tiraabay “Xasan waxaa dadka isku keen ku tiri Beesha Caalamka, Deni waqti ma hayo uu Xasan ku hor fariisto..”
Isku soo wada duuboo waanwaantii ay gaallada caalamku doonaysay inay ku dhex-dhexaadiso kooxda Riddada Soomaaliya ayaa rajo-beel u muuqata, xilli Gaallada caalamku ay si weyn uga qaylo-dhaaminayaan taqaddumka Allaah uu ku galladay geesiyada Tawxiidka oo haatan kulaalaya caasimadda Soomaaliya ee Muqdisho.
About The Author
