Maamulka gumeystaha Yahuudda oo dambiyo dagaal oo ka dhan ah dad rayid ah ka gaysanayay marinka Gaza, ayaa markale ku dhawaaqay amar uu ku barakicinayo dad muslimiin ah oo xeryo barakac ka samaystay magaalada Rafax ee dhacda koonfurta fog ee marinka Gaza.
War qoraal ah oo maanta kasoo baxay ciidanka gumeystaha Yahuudda ayuu ku amray dadka Falastiiniyiinta ah inay ka guuraan Rafax, gaar ahaan xaafadaha dhaca bariga, halkaas oo ku barakeceen inka badan 100,000 oo shacab ah oo duqaymaha wuxuushnimo ee ciidankaasi ay kasoo saareen waqooyiga iyo bartamaha marinka Gaza.
Waxay ciidanka gumetstuhu ku goodiyeen inay dili doonaan cid kasta oo ku adkaysata joogitaanka Rafax, waxaana amarkaasi dhinac socday warqado ay kusoo daadiyeen xaafadaha magaalada, kuwaas oo dadka rayidka ah amrayay in ay ka baxaan Rafax, dadka abriyada ah ee magaaladaasi ku dhaqan ayaana ka walwalsan halka ay u qixi doonaan, maadaama Rafax ay ahayd halka kaluya ee ka yara wanaagsan Gaza inteeda kale, inkastoo ay duqaymo laayaan ah ka dhacayeen lafteeda.
Ciidanka gumeystaha Yahuudda ayaa amarkaasi bixiyay, kaddib markii lagu amray inay howlgal dhanka dhulka ah ku qaadaan magaalada Rafax, halkaas oo uu maamulka isugu yeeray Israel uu ku andacoonayo inay ku suganyihiin kumannaan dagaalyahanno ah oo ka tirsan kooxaha wax iska caabinta Falastiiniyiinta.
About The Author
