Guutada madaafiicda xarakada Mujaahidiinta Al-shabaab waxay madaafiic culus ku garaaceen saldhig ciidan oo shisheeyaha gaar ahaan ciidamada Burundi ay ka samaysteen deegaan ka tirsan wilaayada Sh/dhexe.
Tirada madaafiicda oo ahaa kuwa aan la cayimin waxay ciidamada Mujaahidiintu ku dhufteen saldhig ciidamada kuffaarta Burundi ay ka samaysteen deegaan lagu magacaabo Ceel-baraf oo hoos taga degmada Mahadaay ee wilaayada Sh/dhexe. waxaana duqayntaasi ka dhashay khasaare lixaad leh oo soo gaaray ciidamada Burundi.
Ilo wareedyo lagu kalsoon yahay waxay xaqiijiyeen in madaafiicda shabaabul Mujaahdiin qaarkood ay ku dhaceen gudaha xerada ayna waxyeello xoog leh gaarsiiyeen teendhooyinka ciidamada Burundi ay ka dhex samaysteen xerada degaanka Ceel-baraf lamana soo warin khasaare nafeed oo ka dhashay madaafiicda .
Dhinaca kale waxay ciidamada Mujaahidiintu saacadihii lasoo dhaafay qarax culus oo si wanaagsan loo diyaariyay la eegteen ciidamada dowladda fedearaalka oo ku sugnaa magaalada Beledweyne ee wilaayada Hiiraan. waxaan qaraxa ka dhashay khasaare kala duwan oo maleeshiyaadka soo gaaray.
Qaraxa waxa uu si gaar ah kaga dhacay Buunda wayn waxaana isla goobta u qaraxu ka dhacay ku dhaawacmay 5 askari oo ka tirsanaa ciidamada dowladda qaybna ka ahaa maleeshiyaadkii qaraxa lagu weeraray.
Halkan Kala Soco Wararka Deg Dega Ah Ee Website-ka Calamada.
Calamada.com
About The Author
