Kolonyo uu la socday madaxweynaha dowladda Maraykanka Joe Biden ayaa saacadihii lasoo dhaafay shil ku galay meel u dhow xarunta ololihiisa oo kutaal magaalada Wilmington ee gobolka Delaware ee carriga Maraykanka.
Booliiska ka howlgala magaalada Wilmington ayaa maanta sheegay inay dacwad kusoo oogeen ninkii wadaha ka ahaa gaariga ku dhacay mid ka mid ah baabuurta uu la socday madaxweynaha Mareykanka Biden, waxayna ninkaasi ku sheegeen in uu sakhraansanaa.
Booliisku waxay sidoo kale xaqiijiyeen in dareewalka oo 46 sano jir ah uu mas’uul ka ahaa shilka ka dhacay magaalada Wilmington, gaar ahaan nawaaxiga xarunta ololaha madaxweynaha Maraykanka Joe Biden.
Shilkan ayaa dhacay xilli musharraxa ka socda xisbiga Dimuqraadiga ee u taagan xilka madaxtinimo ee Maraykanka Joe Biden, uu isku diyaarinayay inuu xarunta ka baxo isaga iyo xaaskiisa.
Saraakiisha sirdoonka iyo ilaalada gaarka ah ee madaxweynaha Maraykanka ayaa durba isku gedaamay halka uu shilku ka dhacay, waxayna halkaasi si deg deg ah uga saareen madaxweynaha iyo qoyskiisa.
About The Author
