Waaxda amniga ee dowladda Ukraine , ayaa shaacisay inay fashiliyeen qorshe la doonayay in lagu dilo Madaxweynaha waddankaasi, Volodymyr Zelenskyy, kaasi oo ay qorsheynayeen labo korneyl oo ka tirsan Hay’adda mas’uulka ka ah amniga madaxweynaha iyo saraakiisha sare ee Ukraine.
Waaxda amnigu waxay sheegtay in hayada masuulka ka ah amniga madaxweynaha ee isku dayga sameysay magaceeda lo soo gaabiyo SBU, waxayna xubnahaasi saraakiisha ah ku eedeeyay inay la shaqeynayeen sirdoonka Ruushka oo ay gacan saar la lahaayeen.
Labada korneyl oo aan la shaacin magacooda rasiga ah ayaa xabsi loo dhaadhiciyay, sawirro lasoo dhigay barta SBU ee Telegram ayaa muujinayay saraakiil jeebaysan oo hayaddaasi ay gacanta ku dhigtay, isla shirqoolkaas loo saariyay in ay abaabulaysay xukuumadda Moscow ee korneylada Ukraine ay wakiilka ugu ahaayeen, waxaa ku jiray in la dilo madaxa hay’adda SBU ee mas’uul ka ah ilaalada madaxda sare, ninka lagu magacaabo Vasyl Malyuk iyo madaxii sirdoonka militariga, Kyrylo Budanov.
Zelenskyy ayaa horay u sheegay inuu ka badbaaday in ka badan 10 isku day dil ah. Laakiin waa markii ugu horreysay oo saraakiil sar sare oo ka tirsan waaxda mas’uulka ka ah amnigiisa in ay noqdaan kuwo u shaqeynaya cadowga dowladda Ukraine oo ah Ruushka,sida uu ka dhawaajiyay afhayeenka hay’adda SBU, Artem Dehtiarenko, oo la hadlay wargeyska POLITICO.
About The Author
