War goordhow kasoo baxay maktabka Qadaha ee Xarakada Mujaahidiinta Al-shabaab ayaa lagu shaaciyay in la helay aragtida bisha Shawaal sannadkan 1446 Hijri, kaddib markii maktabka ay lasoo xiriireen dad muslimiin ah lagana hubiyay inay arkeen aragtida bisha.
Maktabka Qadaha ee Shabaabul Mujaahidiin ayaa sheegay in barri oo Axad ah ay tahay maalin ciid ah, wuxuuna maktabka ugu dambayntii hambalyo u diray dadka muslimiinta ah munaasabadda ciiddul-fidri.
Qoraalka maktabka ayaa u qornaa sida tan:
Maktabka Qadaha ee Xarakada Mujaahidiinta Al-Shabaab wuxuu shaacinayaa in berito oo ah Axad ay noqoneyso maalin ciid ah, lagana noqday go’aankii hore ee ahaa in la dhameystiro Ramadan, kadib markii dad muslimiin ah oo arkay dhalashada Shawaal ay lasoo xiriireen Qadaha, lagana hubiyey inay arkeen bisha. Maktabku, wuxuu dadka Muslimiinta ugu hambalyeeynayaa munaasabada ciidul Fitril Mubaarak. Taqabalallaahu minaa wa minkum Saaalixal acmaal.
About The Author
