Warar faahfaahsan ayaa kasoo baxaya dagaal culus oo maanta maleeshiyo murtadiin ah oo kala taabacsan maamulka Riddada Jubbaland iyo kooxda Riddada Soomaaliya ku dhexmaray degmada Beledxaawo ee gobolka Gedo, kaasi oo lasoo warinayo in looga itaal-roonaaday maleeshiyada Gurguurte.
Inkastoo xaaladda magaalada ay weli tahay mid dagaal haddana dhanka kale waxay dadka deegaanku sheegeen in laba aag oo muhiim ah laga saaray maleeshiyada kooxda Riddada, halkaas oo ay la wareegeen maleeshiyada Riddada ee maamulka Axmed Madoobe, maamulkan ayaa dhankiisa xaqiijiyay inay gacanta ku dhigeen xaruunta maamulka degmada oo ay ku sugnaayeen maleeshiyaadka Gurguurte.
Maamulka ashahaada la dirirka Axmed Madoobe ayaa sheegay inay magaalada ka saareen maleeshiyaadka kale ee taabacsan kooxda Riddada, kuwaas oo hadda ku sugan meel aan ka fogayn magaalada, wararku waxay sheegayaan in maleeshiayda Gurguurte ay isugu tageen xerada lagu magacaabo UK oo kutaal duleedka magaalada.
Maamulka Axmed Madoobe ayaa faafisay muuqaallada iyo sawirrada goobaha uu kala wareegay maleeshiyada kale ee kooxda Riddada hoostaga, waxaana ka mid ah goobahaasi xaruntii maamulka degmada iyo fariisin ciidan oo ay lahaayeen maleeshiyadaasi.
Waaxaa jira khasaare dhimasho iyo dhaawac ah oo soo kala gaaray labada dhinac ee murtadiinta ah, lama oga waxa xigi doona iska hor’imaadyadii maanta dhacay, wallow ay hadda xaaladdu soo hagaagayso haddana waxaa suuragal ah in dhinacyadu mar kale dagaallamaan maadaama ay isu muuqdaan labada maleeshiyo oo aysan sidaas ukala fogayn.
About The Author
