Wararka ka imaanaya magaalada Gaalkacyo ee xarunta gobolka Mudug ayaa ku waramaya in saaka weerar xooggan lagu qaaday xabsiga dhexe ee magaaladaasi.
Kooxo hubaysan ayaa lasoo warinayaa in ay weerareen xabsiga, waxaana in mudo ah uu dagaal toos ah dhaxmarayay kooxda weerarka soo qaaday iyo sidoo kale ilaalada xabsiga.
Kooxahaan hubaysan ayaa ujeedkoodu ahaa in ay xoog kusoo furtaan maxaabiis halkaasi kaga xiran, taas oo sababtay in dagaal xoogan uu qarxo.
Inkasta oo aan la heynin faahfaahinno dheeraad ah haddana ma cadda in kooxda weerarka soo qaaday ay la baxday maxaabiistii ay doonayeen in ay soo furtaan.
Dhacdooyinka nuucaan oo kala ah ayaa muddooyinkii u dambeeyay si aad ah ugu soo laalaabtay magaalada Gaalkacyo, iyadoo maleeshiyaad kala duwan ay tira dhowr jeer ah isku dayeen in ay maxaabiix xoog ku furtaan.
Muddo hadda laga joogo 4 bil ka hor ayaa sidan oo kale loo weeraray isla xasbigaan, waxaana iska hor’imaadkaasi uu sababay dhimashada hal qof iyo dhaawaca mid kale.
About The Author
