Xilli ay ciidamada dowladda saliibiyadda Mareykanka ay sii wadaan duullaanka gardarada ah ee ay ku qaadaan dalka Muslimka Yemen ayaa khasaara xooggan dhabarka loo saariyay ciidanka Mareykanka.
Wararka ka imaanaya galbeedka wadanka Yemen ayaa sheegaya in dhulka lasoo dhigay mid kamida diyaaradaha ugu casrisan ee dowladda Mareykanka ay ku xasuuqdo muslimiinta.
Maleeshiyaadka Xuuthiyiinta ayaa ku dhawaaqay in ay markale dhulka soo dhigeen diyaaradda Drone-ta ah ee lagu magacaabo MQ9 Reaper xilli ay falal cadowtooyo ka wadday magaalada Alxudeyda.
Afhayeen melleteri oo u hadlay Xuuthiyiinta ayaa sheegay in ciidankooda difaaca cirka ay dhulka soo dhigeen diyaaradda saacaddu markii ay ku beegneed 8:00 Fiidnimo waqtiga maxalliga ah ee dalka Yemen.
Wararka ayaa intaas ku daraya in burburka diyaaradda MQ9 lagu arkay meel ku dhow dekadda caalamiga ah ee magaalada Alxudeyda, waa markii ugu horraysay oo diyaarad nuucaan ah lagasoo rido dowladda saliibiyadda Mareykanka tan iyo markii uu gaal Trump lawareegay xilka madaxtinimada bishii Janaayo ee lasoo dhaafay.
Kooxaha Xuuthiyiintu waxay ku faaneen in dalka Yemen ay kusoo rideen 21 diyaaradood oo middiiba ay ku fadhido lacag dhan 31 milyan oo Dollar
About The Author
