Mucaaradka madaxa maamul goboleedka ashahaada la dirirka ah ee la magac baxay Jubbaland, ayaa si adag uga hadlay doorashooyinka uu iclaamiyay murtad Axmed Madoobe iyo xaaladda guud ee magaalada Kismaayo.
Qaar ka mid ah xubnahan oo shir jaraa’id oo gooni gooni ah ku qabtay magaalada Kismaayo, ayaa ka digay nidaamka doorasho ee uu shaaca ka qaaday Axmed Madoobe, waxayna intaas ku dareen in guddiga lagu dhawaaqay uu yahay hal dhinac.
Cabdirisaaq Cali Dheere oo ka mid ah xubnaha musharixiinta Riddada ah ee isu taagay qabashada xilka madaxweyne maamulka ashahaada la dirirka ah ee Jubaland, ayaa kasoo horjeestay guddigaasi, wuxuuna sheegay in guddiga Axmed Madoobe ku dhawaaqay uu yahay mid uu isugu samaystay oo uu doonayo inay ka shaqeeyaan sidii uu usii joogi lahaa kursiga madaxtooyada maamulkaasi.
Wuxuu intaas ku daray in maleeshiyaad badan oo daacad u ah Axmed Madoobe lasoo dhoobay jidadka magaalada Kismaayo, si iyaga loogu cabburiyo, taasi oo uu ka digay.
Cabdullaahi Cali oo isagana ka mid ah xubnaha mucaaradka ah ee isu soo taagay xilka madaxa maamul goboleedka ashahaada la dirirka ah ee Jubbaland ayaa kazoo horjeestay guddiga uu magacowday Axmed Madoobe.
Wuxuu sheegay inaysan u dulqaadan doonin go’aamada halka dhinac ah ee kasoo baxaya Axmed Madoobe, wuxuu tilmaamay in degaanada maamulkaasi uu ka jiro fashil amni oo xooggan, isaga oo sheegay in maalmihii u dambeeyay oo kaliya maleeshiyadooda iyo kuwa kooxda Riddada askar badan looga laayay dagaallo ay la galeen mujaahidiinta, dhaawacyadoodana ay ku suganyihiin xaalad liidata oo aysan wax daryeel ah haysan, kuwa qaarna iyaga oo dhaawacana laga eryaday deegaannada maamulkaasi.
Warka kasoo baxay xubnaha mucaaradka ku ah Axmed Madoobe ayaa kusoo beegmaya xilli madaxa maamulkaasi uu wajahayo mucaaradad xooggan oo gudaha iyo dibadda ah, maleshiyo aad u badana uu kusoo daadiyay waddooyinka magaalada Kismaayo, Axmed Madoobe ayaana ku goodiyay in uu qabsan doono doorasho ka madax bannaan tan Villa Somalia doonayso.
About The Author
