Kaddib markii xoogagga mucaaradka Suuriya ay rideen nidaamkii mujrimka ee Bashaar Al-assad, waxay bilaabeen howlgallo kale oo ay kula wareegayaan deegaannada dhaca xeebaha iyo waqooyi bari Suuriya ee ay gacanta ku hayaan kooxda Kurdiyiinta ee Maraykanka hoostagta.
Waxay kooxaha mucaaradku waxay sheegeen Axaddii maanta inay la wareegeen gacan ku haynta magaalada Jablat ee u dhow saldhigga ciidamada Ruushka Xumeymiim ee gobolka Al-laadiqayah, magaaladan ayaa ku biirtay magaalooyinka kusoo dhacay gacanta kooxaha mucaaradka.
Waxay sidoo kale mucaaradku gacanta ku dhigeen magaalada Manbij oo ku taal waqooyi bari ee ka tirsan Xalab, kaddib dagaallo culus oo ay halkaas kula galeen ciidan ka tirsan Kurdiyiinta, taasi oo muujinaysa in dagaalka uu u wareegtay dhinacyada kale ee ku sugan waddanka.
Kornayl Al-fallaaxi oo ah falanqeeye xaaladda Suuriya, ayaa sheegay in Ruushku ogaa in kooxaha mucaaradku geli doonaan dhammaan gobollada Suuriya, sidaas darteedna uu horay ciidamadiisa iyo hubkiisa uga daabulay saldhigga Dhardhuus, balse ay hadda ciidamo iyo hub badan u yaallaan saldhigga Xumeymiim oo ah halka uu isku soo uruuriyay.
Falanqeeye Al-falaaxi ayaa aaminsan in la wareegitaanka mucaaradka Suuriya ee magaalada Jablah ay farriin cad u tahay ciidamada Ruushka, una dirayso in gobolkana uu hadda ku hoos jiro gacanta kooxaha mucaaradka, maadaama magaalada ay soo gaareen ay saldhigga Xumeymiim ee Ruushku degganyahay u jirto kaliya. 4 KM.
About The Author
