Xilli khilaafka siyaasadeed ee ka dhex aloosan madaxda kooxda Riddada iyo siyaasiyiinta mucaaradka ah uu gaaray meel sare, ayay maanta masuuliyiin hore xilal uga soo qabtay kooxdaasi kasoo degaan madaarka caalamiga ah ee magaalada Muqdisho.
Maxammed Xuseen Rooble iyo Cabdi Faarax Shirdoon oo horay usoo qabtay xilka ra’iisul wasaarenimo ee kooxda Riddada iyo Maxammed Mursal oo ahaa guddoomiyihii hore ee baarlamaanka daaquudka Riddada ayaa maanta kasoo degay garoonka Muqdisho, halkaas oo ay kusoo dhaweeyeen xildhibaanno iyo siyaasiyiin kale oo mucaarad ah.
Xubnahan ayaa warbaahinta la hadlay, waxayna si wayn uga soo horjeesteen hannaanka maamul ee madaxa kooxda Riddada Soomaaliya murtad Xassan Gurguurte.
Murtad Maxamed Xuseen Rooble oo si adag uga hadlay hannaanka uu wax ku wado murtad Xassan Gurguurte, ayaa dhanka kale tilmaamay diidmadiisa ku aaddan doorashadaasi waxaanu yiri “Dalkaan qofna lama carari karo, qofna meel ma gaysan karo, waxaan shalay ka tanaasulay oo ah kursigaas in maanta uu nin la cararo kama yeelayo”.
Mas’uuliyiintan horay xilalka uga soo qabatay kooxda Riddada Soomaaliya ee maanta kasoo degay Muqdisho ayaa ku biiraya siyaasiyiin kale oo ku sugan gobolka Banaadir, kuwaas oo ay shirar u socdaan, si waynna u mucaaradsan nidaamka doorasho ee uu wato Xassan Sheekh Maxamuud.
Dhowaan ayay ahayd markii siyaasiyiinta mucaaradka ah ay Muqdisho kusoo dhaweeyeen murtad Xasan Cali Khayre iyo murtad Cumar C/rashiid, kuwaas oo iyagana ku biiray xubnaha mucaaradka, sida Shariif murtad iyo murtad Cabdiraxmaan Cabdishakuur.
About The Author
