Mujaahidiinta jamaacada Nusratul islaam wal-muslimiin ee halganka jihaadka ah kaga jira galbeedka qaarada Africa ayaa howlgallo isugu jira dilal, qaraxyo iyo kuwa toos ah ka fuliyay waddamo dhaca saaxilka Africa.
Howlgalka 1-aad oo ahaa dagaal toos ah waxay ciidamo ka tirsan jamaacada ka fuliyeen waddanka Burkina Faso, waxayna beegsadeen bar ciidan oo ay ku sugnaayeen ciidanka Riddada ee xukuumadda Wagadugu.
Weerarka ayaa si gaar ah uga dhacay barta ciidan ee kutaal deegaanka Yala ee dhaca gobolka Didoogo, waxaana halkaas ka dhacay dagaal culus oo la isku adeegsaday hubka noocyadiisa kala duwan.
War kooban oo kasoo baxay mujaahidiinta Nusratul islam wal-mislimiin ayaa lagu sheegay in weerarkaasi Allaah fadligiis lagu dilay ugu yaraan 8 askari oo murtadiin ah, laguna soo qaniimeystay sagaal qori oo nooca Kalaashinkoofka ah iyo agabyo kale.
Sidoo kale waxay ciidamada mujaahidiintu gaari gaari kusoo furteen weerar kale oo ay ku beegsadeen ciidamo ka tirsan isla kuwa Burkiina Faaso oo ku sugnaa Sabaasi oo ka tirsan Bam, maleeshiyadii bartaas ku sugnaa ayaa si deg deg ah goobta uga firxaday markii ay ka war heleen ciidamada kusoo wajahan ee mujaahidiinta ah, waxayna taasi keentay inay ka cararaan gaari ciidan oo ay wateen laba qori oo AK47 ah iyo lix mooto.
Ciidamada mujaahidiintu waxay sidoo kale saacadihii lasoo dhaafay gacanta ku dhigeen baro ciidan oo ay ku sugnaayeen murtadiinta Burkiina Faaso oo ku kala yiillay tuulooyin dhaca gobollada Kaya iyo Wahiigooya.
Dhanka Mali, howlgal gaar ah oo ciidamada mujaahidiintu subaxnimadii hore ee shalay ka fuliyeen inta u dhaxayso Manantli waxay ku khaarajiyeen ilaa 2 xubnood oo ka tirsanaa ciidanka Riddada Maali.
Ciidamada mujaahidiintu waxay isla Maali subaxnimadii maanta weerar ku beegsadeen fariisin ciidan oo maleeshiyadaasi kuleeyihiin tuulada Narina ee dhacda gobolka Kolikora ee dalka Maali.
Waxay sidoo kale mujaahidiintu maanta ilaa laba qarax oo nooca miinada dhulka lagu aaso ah ku weerareen xarun ciidan oo kutaal magaalada Koona ee gobolka Mopti.
About The Author
