Ciidamo aad u qalabaysan oo ka tirsan mujaahidiinta ka howlgala Sh/dhexe ayaa weerar xooggan oo cagmarin ah ku qaaday saldhigga maleeshiyaadka Riddada ay ka deganyihiin deegaanka Daaru-nicma ee dhaca wilaayada Sh/dhexe.
Dagaalka oo ahaa mid xooggan ayay ciidamada Shabaabul Mujaahidiin qaadeen aroornimadii hore ee saaka kaas oo si xun loogu xasuuqay maleeshiyaadka murtadiinta ee saldhigga ciidan kulahaa deegaanka Daaru-nicma, waxaana dagaal ka dib mujaahidiinta u suuragashay inay gacanta ku dhigeen guud ahaan saldhigga.
Inta la xaqiijiyay waxaa weerarkaan cagmarinta ah lagu dilay ugu yaraan 20 askari oo ka mid ahaa maleeshiyaadkii Riddada ee ku sugnaa deegaanka Daaru-nicma, halka ay dhaawacyo kala duwan soo gaareen 10 kale, ciidamada mujaahidiintu waxay weerarkaasi ku gubeen 2 gaari oo murtadiinta u dhex tiillay gudaha saldhigga.
Waa weerarkii ugu xoogganaa ee ay mujaahidiintu kala duldhacaan saldhigga maleeshiyaadka Riddada ee deegaanka Daaru-nicma, weerarkan waxaa ka horreeyay weerar xooggan oo kammiin ah, kaas oo bil ka hor ka dhacay duleedka deegaanka Daaru-nicma halkaas oo lagu dilay inka badan 29 askari oo ka mid ahaa maleeshiyaadka Riddada ee laga keenay waddanka Eritrea waxaana maleeshiyaadkii barqadaas la xasuuqay ka mid ahaa talihii hoggaaminayay maleeshiyaadkaas.
About The Author
