Ciidamada mujaahidiintu waxay saaka weerar culus oo abaabulan ku qaadeen fariisin maleeshiyaadka murtadiinta ay kaga sugnaayeen xaafadda Caymiska degmada Yaaqshiid ee magaalada Muqdisho, waxaana halkaasi ka dhacay dagaal culus oo la isku adeegsaday hubka noocyadiisa kala duwan.
Weerarka oo ahaa mid qorsheysan ayaa u dhacay sidii loo agaasimay, waxaana jugta hubka noocyadiisa kala duwan ee la isku adeegsanayay dagaalka si wayn looga maqlayay qaybo ka mid ah xaafadaha magaalada caasimadda ah ee Muqdisho, weerarkan ayaana qayb ka ah weerarada tooska ah ee ay mujaahidiintu ka fuliyaan gobolka Banaadir, kuna beegsadaan fariisimaha murtadiinta.
Dhanka kale, howlgal qarax ah oo ay ciidamada mujaahidiintu ka fuliyeen saldhigga maleeshiyaadka murtadiinta ee Garas Ceebeed oo kuyaal inta u dhaxaysa deegaannada Buula-gaduud iyo Birta dheer ee dhaca duleedka magaalada Kismaayo, waxaa inta la xaqiijiyay ku dhintay 3 askari oo murtadiin ah oo mid ka mid ah uu yahay sarkaal ciidan oo taliye koox ah.
Dhanka Bakool waxay ciidamada mujaahidiintu dagaal culus ku qaadeen xerada ciidamada saliibiyiinta Itoobiya ay ka deganyihiin degmada Xudur, waxaana halkaasi ka dhacay dagaal culus oo u dhaxeeyay ciidamada mujaahidiinta iyo kuwa xabashida.
About The Author
