Mujaahidiinta ka howlgala dhulka NFD ee ku hoos jira gumeysiga Kenya ayaa dagaal kaddib la wareegay deegaanka Kutaayo oo ka tirsan degmada Ceel-Qaalow ee gobolka Mandheera, halkaas oo ay saldhig ciidan ku lahaayeen askar Soomaali ah oo ay tabobaratay dowladdaasi.
Xerada la weeraray waxaa si gaar ah ugu sugnaa maleeshiyaad murtadiin ah oo loo yaqaan Home-Gaurd, kuwaas oo ah maleeshiyaad ay tababaratay dowladda Kenya, waxayna dagaalka kaddib isaga carareen guud ahaan deegaanka, waxay taasi keentay in mujaahidiintu si buuxda ula wareegaan gacan ku haynta deegaanka, sidoo kalena qarax culus ku burbiryaan isgaarsiintii Safaricom ee saliibiyiinta Kenya ugu tiillay deegaankaasi.
Dhanka Baay ee dhacda koonfurta Soomaaliya, waxay ciidanka mujaahidiintu howlgal culus oo qarax ah ka fuliyeen gudaha degmada Diinsoor, waxaana qaraxaasi lala beegsasday maleeshiyaad ka tirsan murtadiinta, halkaas oo uu ku dhaawacmay murtad lagu magacaabo Maad Booroow.
Dhanka kale, waxay ciidamada mujaahidiintu saacadihii lasoo dhaafay dagaal xoogan ku qaadeen saldhigga ciidanka saliibiyiinta Uganda iyo midka maleyshiyaadka Riddada ay kaga suganyihiin degmada Qoryooley, waxay sidoo kale mujaahidiintu dagaal culus oo toos ah ku qaadeen xerada ciidamada kuffaarta ee Airport-ka degmada Baraawe.
About The Author
