Dagaalyahanno ka tirsan xarakada Mujaahidiinta Al-shabaab ayaa xalay weerar abaabulan ku qaaday saldhigga ciidamada kuffaarta Burundi ee deegaanka Xaaji Cali ee dhaca duleedka degmada Cadalle ee wilaayada shabeellaha dhexe.
Wararku waxay sheegayaan in deegaanka xaaji Cali uu dagaal culus ku dhex-maray ciidamada Mujaahidiinta iyo ciidamada shisheeye ee loogu yeero Amisom waxaana dagaalka ka dhashay khasaare kala duwan.
Ilo deegaanka ah ayaa sheegaya inay maqlayeen jabaqda rassaasta iyo deryanka madaafiicda ku hobaanay gudaha saldhigga, waxaana soo baxaya warar ku aadan khasaaraha halkaasi ka dhashay.
Khasaare culus oo isugu jira dhimasho iyo dhaawac ayaa laga soo tabiyay dagaalka inkastoo aan la helin tirakoob rasmi ah oo ku aadan khasaaraha halkaa ka dhashay.
Shabaabul Mujaahidiin ayaa marar badan oo hore dagaallo cagmarin ah ku qaaday saldhiga ciidamada Kuffaarta Burundi ay ku leeyihiin deegaanka Xaaji Cali ee duleedka degmada Cadalle, kuwaas oo dhabarka looga jabiyay soo duuleyaasha hororka ku ah shareecada islaamka.
Calamada.com
About The Author
