Ciidamo isugu jiray Maraykan iyo maleeshiyaadka Bangaraafta Riddada ayaa weerar ku qaaday deegaanka Farsooley ee dhaca wilaayada Sh/hoose, waxayna halkaasi ku dileen 4 qof oo shacab ah, halka ay dhaawaceen nin nabadoon ah oo caanka ahaa deegaanka,
Sidoo kale waxay ciidamadaan huwanta ah ee isugu jiray Maraykanka iyo murtazaqadooda murtadiinta ah ee Danab afduubteen dad shacab ah oo ka mid ahaa dadka deegaanka iyo gaari caasi ah oo ay lahaayeen dad rayid ah.
Ciidanka mujaahidiinta oo ka jawaabayay dhibaatada loo gaystay dadka mustadcafiinta ah ayaa weeraro qaraxyo ku beegsaday ciidamadaasi isugu jiray saliibiyiinta Ameerikaan-ka iyo maleeshiyaadka Ridada kuwaas oo markii dambe isaga cararay deegaanka, kaddib markii ay la kulmeen weerarada mujaahidiinta oo khasaare lagu gaarsiiyay.
Dhanka Banaadir, waxay ciidanka mujaahidiinta howlgal qarax ah oo ay ka fuliyeen degmada Waaberi ee Muqdisho la beegsadeen maleeshiyaad murtadiin ah oo si gaar ah u qaabilsan la dagaallanka xijaabka sharciga ah iyo Niqaabka ay xirtaan haweenka muslimaadka, waxaana qaraxaasi ku dhaawacmay 3 askari oo murtadiin ah.
Sidoo kale, waxay ciidamada mujaahidiintu howlgal qorsheysan oo maanta ka fuliyeen agagaarada xerada Sarkuusta ee caasimadda Muqdisho waxay ku dileen gaashaanle Ibraahiim Maxamed Cali oo ka mid ahaa saraakiisha sar sare ee ka howlgasha Villa Baydhaba ee Muqdisho, waxayna mujaahidiintu ka furteen baastoolad uu ku hubeysnaa.
About The Author
