Kooxda Riddada Soomaaliya ee fadhigeedu yahay Muqdisho iyo maamul goboleedka ashahaada la dirirka ah ee isku magacaabay Somaliland ee fadhigiisu yahay Hargaysa, ayaa eedaymo kulul isu mariyay warbaahinta, kuwaas oo ku aaddan cidda leh maamulka hawada Soomaaliya.
Maareeyaha waxay ugu yeeraan hayadda duulista hawada maamulka Somaliland, Cumar Sayid Cabdillaahi. ayaa shir jaraa’id oo uu qabtay kooxda Riddada Somalia ku eedeeyay inay diiday fulinta heshiisyo sida uu sheegayay dhigayay in labada dhinac ay wada maamulaan hawada, isla markaana dhaqaalaha la qaybsado.
Isagoo hadalkiisa sii wata ayuu sheegay in muddo lix sano ah oo kooxda Riddada Soomaaliya ay hawada kaligood si madax bannaan u maamulayeen, ay ku tagrifaleen lacag ku dhaw lixdan milyan oo doollar, waa sida uu hadalka u dhigaye, wuxuu intaas ku daray in kooxda Riddada aysan ka yeeli doonin inay maamusho hawada dalka.
Dhanka kale, war kasoo baxay waxay ugu yeeraan hay’adda duulista hawada ee kooxda Riddada Somalia ayaa lagu sheegay in maamulka hawada Somalia aysan waxba iska beddelin, kooxdeedeeduna ay tahay tan sida rasmiga ah u maamusho hawada dalka, sidoo kalena fasaxda duulimaadyada.
Wasiiru dowlaha amniga kooxda Riddada Maxamed Cali Xagaa ayaa gelinkii dambe ee maanta isagoo meel madal ah ka hadlayay sheegay in Somaliland ay sheegatay inay lasoo wareegtay maamulka hawadeeda balse ay taasi tahay mid aan waxba ka jirin oo been ah, waa sida uu hadalka u dhigaye.
Maamulka hawada ee maamullada kala fadhiya Muqdisho iyo Hargaysa, ayaa aad u xumaaday, tan iyo 1-dii January, markii Muuse Biixi uu Addis-ababa ku saxiixay heshiis dhigaya in qayb ka mid ah xeebaha Soomaaliya ay yeelanayso Itoobiya oo ah cadow soo jireen ah oo ay Soomaalidu leedahay, kooxda Riddada oo rayul caamka dadka dhinac kale u rogaysa ayaana dagaalka dhanka hawada ah la gashay maamulka Hargaysa, waxayna hawadeeda ka celisay laba duulimaad oo ka kala yimid Itoobiya iyo Imaaraadka, kuwaas oo kusii jeeday Hargaysa.
About The Author
