Murtad Muuse Biixi oo ka mid ah camiillada dowladda xabashida ayaa ku faanay in uu nasaarada xabashida Itoobiya u hibeeyay xeebaha dhaca gobolka waqooyi galbeed ee Soomaaliya, ka gadaal markii shalay magaalada Addis ababa uu uga yeeray ra’iisul wasaaraha Itoobiya, Abiy Axmed.
Muuse Biixi ayaa soo muuqday isagoo uu dhinac fadhiyo Abiy Axmed, waxaana uu madashaasi ka sheegay in uu dhul badeed dhan 20 Km ku wareejiyay dowladda Itoobiya, si buu yiri ay uga faa’ideystaan dadka Itoobiyaanka ah.
Dhankiisa ra’iisul wasaaraha dowladda Itoobiya, ayaa bartiisa soo dhigay qoraal kooban oo uu ku muujinayay in uu helay himilooyin ay kumannaan sano ku taamayeen dadka Itoobiyaanka ah, isaga oo tilmaamay in farxaddiisa ku aaddan dekadda iyo xeebaha loo hibeeyay aysan jirin wax uu ku cabbiro dareenkiisa oo aan ka ahayn in uu u mahad celiyo Allaah, waa sida uu bartiisa soo dhigaye.
Dadka Soomaaliyeed ayaa si adag uga warceliyay xeebaha uu Itoobiya siiyay murtad Muuse Biixi oo ah dabadhilif ay ku wayn tahay jacaylka uu u qabo xabashida Nasaarada, waxayna bulshada Soomaaliyeed warcelinadooda ku xuseen inaysan marnaba Itoobiya u oggoolaan doonin inay qaadato taako ka mid ah khayraadka Soomaaliya.
Xarakada Mujaahidiinta Al-shabaab ayaa bilooyin ka hor si adag uga hadashay hadal uu Abiy Axmed ku muujinayay hanqaltaaggiisa xeebaha Soomaaliya, waxayna xarakadu bayaankaasi ku sheegtay inay si cad oo aan gabasho lahayn u diideyso qorshe waliba oo la doonayo in Itoobiya loogu sharciyeeyo taako ka mid ah xeebaha dhulka Soomaaliya, ayna ku taagnaan doonto jihaadkii iyo dhabbihii awoowyaasheen sida Imaam Axmad Gurey, Sheekh Xasan Barsane, iyo Sayid Maxamed Cabdulle Xasan, jihaadkaas oo ahaa midkii hor istaagay inay Itoobiya xaqiijiso ahdaaftii ay ka lahayd geeska Afrika.
About The Author
