Wararka ka imaanaya Gedo ayaa sheegaya in maanta duhurkii qarax xooggan uu qabsaday kolonyo katirsan ciidamada Melleteriga Kenya xilli ay ku socdaalayeen wadada xiriirisa deegaanada Faxfaxdhuun iyo Tarako.
Qaraxa ayaa haleelay gaari gaashaaman oo ay la socdeen ciidamo Kenyaan ah oo maalintii Arbacada ee lasoo dhaafay isaga baxay degmada Baardheere kunasii jeeday dhanka degmada Ceelwaaq ee dhaca xuduud beenaadka ay wadaagaan Kenya iyo Soomaaliya.
Goob Joogayaal ayaa sheegay in qaraxu qabsaday gaari nuuca Taawga loo yaqaan waxaana dhimasho iyo dhaawac noqday dhammaan ciidamadii gaariga la socday, wararka ayaa intaas ku daraya in habqanka ciidamadii ka baxay magaalada Baraawe aysan wali gaarin Ceel Waaq oo ah halka ay u socdaan.
Ciidamada Xarakada Al Shabaab ayaa weeraro dhabagal ah iyo qaraxyo ku weerara ciidamada gumeysiga Kenya tan iyo markii ay isagasoo baxeen degmada Baardheere.
About The Author
