Warar dheeraad ah ayaa kasoo baxaya qarax culus oo saacadihii lasoo dhaafay ka dhacay koonfurta wilaayada Mudug kaas oo beegsaday maleeshiyaad murtadiin ah oo baadi goob ugu jiray maydadka saraakiil iyo askar laga laayay.
Qaraxa waxa uu si gaar ah kaga dhacay goobihii shalay ay isku fara saareen ciidamada jabhadda Mujaahidiinta wilaayada Mudug iyo maleeshiyada dowaldda Ridada, halkaas oo jab xooggan lagu gaarsiiyay ciidamada huwanta ah.
Ilo wareedyo masuul ah waxay xaqiijiyeen in qaraxa uu haleelay maleeshiyaad Ridada ka tirsan oo isku soo xoomay maydadka saraakiisha iyo maleeshiyaadka dowladda ee shalay lagu laayay dagaalladii ka dhacay deegaanka Qeycad ee duleedka degmada Bacaadweyne.
Qaraxa oo jugtiisa laga maqlay deegaanno fog gog oo hoos taga degmada Bacaadweyne waxa la xaqiijiyay in uu ku dhintay hal askari oo murtad ah halka dhaawacuna yahay 4 kale.
Dhinaca kale waxaa magaalada Gaalkacyo saacadihii lasoo dhaafay laga dajiyay dhaawacyada askar badan oo kusoo dhaawacmay dagaallo qaraar oo shalay ciidanka dowaldda Ridada ku qabsaday deegaanka Qeycad, Waxaa la wariyay in qaar ka mid ah cisbitaalalda magaalada ay buuxdhaafiyeen taas oo ka tarjumeysa khasaaraha xooggan ee ciidamada dowladda ku gaaray deegaanka Qeycad.
Dagaalkii malxamadda ahaa ee lagu soo afjaray maleeshiyaadkii dhaqdhaqaaqyada ciidan ka waday deegaanada dhaca koonfurta Mudug ee sal dhigtay Qeycad waxaa lagu dilay 30 askari oo ay ku jireen saraakiil sare halka dhaawacyaduna aysan cadad lahayn sida ay baahisay Idaacadda Al-andalus.
Halkan Kala Soco Wararka Deg Dega Ah Ee Website-ka Calamada.
Calamada.com
About The Author
