Qarax culus ayaa lala beegsaday Kolanyo ka tirsan ciidamada Xabashida Itoobiya oo kasoo baxay degmada Bardaale kuna sii jeeday dhanka deegaanka Awdiinle oo ah deegaan dhaca wadada isku xirta degmooyinka Baydhabo iyo Bardaale oo ka wada tirsan gobalka Baay ee Konfur Galbeed dalka Somalia.
Qaraxa oo loo adeegsaday Miinada dhulka lagu aaso ee meelaha fog laga hago waxey la kacday gaari Cabdi Bile ah oo qeyb ka ahaa gaadiidkii ay wateen Kolanyada Kufaarta Xabashida Itoobiya ee lagu qarxiyay duleedka degmadaasi.
Miinada ayaa gabi ahaan burburisay gaariga Cabdi Bilaha,sidoo kale waxaa baqti iyo dhaawac noqday guud ahaan askartii Xabashida Itoobiya ee la socday gaariga ay miinada burburisay,dhawaaqa qaraxa waxaa si aad ah looga maqlay deegaano ka tirsan gobalka Baay.
Qaraxan ayaa kusoo aadaya xilli saacadihii lasoo dhaafay qarax miino lala beegsaday kolanyo kale oo Itoobiyaan ah kuwaasi oo kasoo baxay degmada Baydhabo kuna sii jeeday degmada Bardaale.
Calamada.com
About The Author
