Howlgal qarax ah oo ciidamada mujaahidiintu saacadihii lasoo dhaafay ka fuliyeen duleedka deegaanka Shabeellow ee wilaayada Mudug ayaa lala beegsaday gaari ciidan oo ay la socdeen maleeshiyaad ka tirsan Riddada, waxaana inta la xaqiijiyay qaraxaasi ku dhintay hal askari oo murtad ah, halka ay ku dhaawacmeen 7 kale, askariga qaraxaasi ku dhintay oo ahaa darawalka gaariga qaraxa lala eegtay ayaa lagu magacaabi jiray Ileey.
Dhanka Sh/dhexe, howlgal qarax ah oo mujaahidiintu ka fuliyeen inta u dhaxeeysa Ruunnirgood iyo deegaanka Cad-cadeey ayaa lala beegsaday gaari ciidan oo ay wateen maleeshiyaad iyo saraakiil ka tirsan murtadiinta, waxanaa inta la xaqiijiyay qaraxaasi ku dhintay saddex askari oo murtadiin ah, halka ay ku dhaawacmeen laba kale.
Xubnaha murtadiinta ee qaraxaasi ku dhaawacmay waxaa ka mid ah murtad lagu magacaabo Jimcaale Doosh oo ku magacaaban guddoomiye ku xigeenka maamulka Riddada degmada Kaxda ee magaalada Muqdisho, kana mid ahaa saraakiisha murtadiinta ee duullaanka kusoo qaaday deegaannada Sh/dhexe.
Dhanka Baay, ciidamada mujaahidiintu waxay weerar isugu jira dagaal toos ah iyo mid duqeyn la beegsadeen xerada maleeshiyaadka murtadiinta ee Makuuda ee ka tirsan magaalada Baydhaba, waxaana halkaasi ka dhacay dagaal in muddo ah socday oo u dhaxeeyay mujaahidiinta iyo murtadiinta.
About The Author
