Qaraxyo is xigxigay oo khasaara lagu gaarsiiyay ciidamada shisheeyaha AMISOM ayaa maanta gelinkii dambe ka dhacay gudaha magalada Muqdisho.
Dad goob joogayaal ah ayaa warbaahinta u sheegay in laba qarax lala helay koloyo kolonyo gaadiid ah oo ay wateen ciidamada AMISOM xilli ay ku socdaalayeen xaafadda SOS ee degmada Hiliwaa gaar ahaan halka loo yaqaan S. Company.
Qaraxa koowaad ayaa si gaar ah loola beegsaday gaari Taw ah khaas ahaan kuwa saraakiisha lagu qaado , wararku waxay sheegayaan in qaraxu uu burbur xooggan gaarsiiyay gaariga waxaana dhimasho iyo dhaawac ku noqday saraakiishii la socotay.
Daqiiqado kadib markii uu qaraxa koowaad dhacay waxaa xigay qarax kale oo lala helay isla kolonyada ciidamada shisheeye, wararka ayaa intaas ku daraya in muddo saacada ah ay ciidamada laqarxiyay ku sugnaayeen halkii lagu qarxiyay iyagoo markii dambe jiitay gaarigii laga gubay.
Dhanka Kale Kolonyo ciidamo Itoobiyaan ah oo dhaq dhaqaaq ka waday deegaano dhaca duleedka Kismaayo ayaa lala eegtay qaraxyo xooggan kuwaas oo geystay khasaare kala duwan.
Qaraxyada oo gaarayay illaa labo qarax mid ka mid ah waxaa lala helay gaadiid ay wateen ciidamada Xabashida Itoobiya sida ay sheegayaan ilo wareedyo laga helay duleedka Kismaayo waxaana jira waxyeelo xoogan ayaana gaartay ciidamada labeegsaday.
Midka labaad oo daqiiqado oo kaliya ka dambeeyay qaraxii hore ayaa isna lala helay ciidamo kale oo kusoo xoomay gaariga la qarxiyay si ay u daabulaan meydadka iyo dhaawacyada sida ay xaqiijiyeen saraakiil katirsan Al Shabaab oo lahadlay Idaacadda Andalus.
Gaari Ambalaas ah iyo mid kale oo Uraal ayaa meydadka ciidamada Xabashida u qaaday dhanka Kismaayo halkaas oo ay soo caga dhigatay diyaarad kasoo duushay magaalada Baydhabo oo ah halka uu ku yaallo taliska ugu weyn ee ciidamada Itoobiya ay ku leeyihiin Soomaaliya.
Dhanka Kale Magaalada Baydhabo eeWilaayada Baay iyo Bakool waxaa ka dhacay Qarax kaasi oo lala beegsaday Kontaroolka Bakiin halkaasi oo fariisin u ah Maleeshiyaatka Maamulka Gaala raaca ee isku magacaabay Konfur Galbeed.
Inta la xaqiijiyay qaraxan ka dhacay Magaalada Baydhabo waxaa ku dhaawacmay Hal askari oo ka tirsan Maleeshiyaatka Murtadiinta kaasi oo la sheegay iney Xaaladiisa Liidato.
About The Author
