Wararka ka imaanaya deegaanka Ceelasha biyaha ee duleedka magaalada Muqdisho ayaa sheegaya, in askar ka tirsan maleeshiyaadka murtadiinta ay qof shacab ah dil bareer ah ugu gaysteen gudaha deegaankaasi, ka dib markii uu ka biya diiday dalab ay hor dhigeen.
Ilo wareedyo ku sugan deegaanka Ceelasha ayaa soo sheegaya in qofka la dilay oo la oran jiray Cabdiraxmaan Sheekeeye uu xilliga la dilayay kasoo baxay masjid lagu magacaabo Mubaarak oo kuyaal deegaanka Ceelasha, halkaas oo kusoo oogay affarta rakacadood ee salaadda cishaha.
Maleeshiyaadka murtadiinta oo ah kuwa loo carbiyay daadinta dhiigga shacabka ayaa si bareer ah u dilay Cabdiraxmaan Sheekeeye, ka dib markii uu ka biya diiday waydiinta murtadiinta ee ahayd bixinta Telefonkiisa gacanta, Ilo wareedyadu waxay intaasi kusii dareen in markii ay dileen ka dib ay qaateen taleefankiisa.
Ma ahan markii ugu horraysay oo maleeshiyaadka murtadiinta iyo ciidamada kuffaafrta Afrikaanta ay si bareer ah degaanka Ceelasha ee duleedka Muqdisho ugu dilaan qof shacab ah, dhowaan ayay ahayd markii ciidamada Kuffaarta Afrikaanta ay labo qof oo shacab ah ku jiireen isla deegaankan, kuwaas oo midna uu goobta ku dhintay halka midka labaad na uu ku geeriyooday cisbitaal kuyaal magaalada Muqdisho.
Dilkan bareerka ah ee ay murtadiintu ka gaysteen duleedka magaalda Muqdisho ayaa kusoo beegmaya, xilli dhowaan askari ka tirsan maleeshiyaadka Riddada uu dareewal gaari degmada Balcad ugu dilay 10 kun oo shilinka Soomaaliga ah.
About The Author
