Axmed Qoorqoor oo ah madaxa maamul goboleedka ashahaada la dirirka ah ee isku magacaabay Galmudug, ayaa goodis adag u diray musharixiinta kula tartami doonto kursiga uu hadda ku fadhiyo ee xafiiska madaxa maamulkaasi.
Isagoo ka hadlayay madaxtooyada maamulkiisa ayuu sheegay in deegaannada uu ka arrimiyo uu mamnuuc ka yahay hubka, isaga oo si cad u sheegay in musharixiin u taagan xilka madaxa maamulkaasi Riddada ay ku jiraan hub uruursi, si taasi uu uga jawaabana deegaanadiisa aan laga oggolayn inay hub lasoo galaan siyaasiyiinta la tartami doonta.
Wuxuu weeraray xubnaha u taagan xilka madaxtinimo ee maamulka ashahaada la dirirka ah ee Galmudug, wuxuu sheegay in xubnahaasi ay wadaan abaabul kicin ah oo colaad lagu abuurayo.
Hadalka murtad Qoorqoor, ayaa kusoo beegmaya xilli 15-kii July dadka shacabka ah ee ku dhaqan degmada Caabuudwaaq ee ka tirsan gobolka Galgaduud uu u gacan galay hub fara badan ka yimid dhanka Itoobiya oo kooxda Riddada Soomaaliya ay lahayd, balse ay waddanka soo galiyeen siyaasiyiin qaarkood u taagan yihiin xilka madaxtinimo ee maamul goboleedka ashahaada la dirirka ah ee Galmudug, yihiina kuwa uu wato Xasan Gurguurte.
Sidoo kale waxay tani kusoo beegmaysaa xilli saddex maalmood ka hor uu murtad Axmed Qoorqoor booqasho ku tagay magaalada Baydhaba ee xarunta maamulka ashahaada la dirirka ah ee Koonfur galbeed, halkaana kulan kula soo qaatay Lafta-gareen kaddib markii madaxa maamullada Riddada ah ee dalka ka dhisan ay iska diideen inay qabtaan nooc doorasho oo uu usoo bandhigay Xassan murtad.
About The Author
