Dalka Koonfur Africa waxay dadka Soomaaliyeed ku wajahayaan xaalado kala duwan oo isugu jira dil, boob hantiyeed iyo ihaanaysi gaar ah, waxaana dhacdooyinkan gaysanaya dadka u dhashay waddankaasi.
Muuqaal saacadihii lasoo dhaafay si wayn ugu faafay baraha bulshada ayaa muujinayay kooxo abaabulan oo South African ah, kuwaas oo qoys Soomaaliyeed ka hor istaagaya inay cisbitaal geeyeen wiil yar oo ay dhaleen oo xanuunsanaya.
Muuqaalka ayaa muujinayay dadka Koonfur Afrikaanka ah oo ihaanaysanaya qoyskan oo ah kuwa kasoo jeeda Somalia, waxayna ugu dambayn ilmaha yar ee ay dhaleen qoyskaas ka hor istaagayaan in lagu daweeyo cisbitaal kuyaal magaalada Johannesburg.
Soomaalida ku dhaqan waddankaasi ayaa waxay soo sheegay in maalmihii u dambeeyay uu waddankaasi ka billowday dhaqdhaqaaq ay wadaan ururro isbhaheystay, kuwaas oo kasoo horjeeda ajaanibta dalkaasi ganacsiyada ku leh, kuwaasoo dadka aan dalkaasi u dhalan u diidayay inay tagaan goobaha caafimaadka sida cisbitaallada iyo xarumaha kale.
Waxay tani ka mid tahay dhibaatooyinka ay la noolyihiin Soomaalida ganacsiga u tagay Koonfur Africa, dhowaan ayay ahayd markii darawal gaari oo ka howlgalayay magaalada johannesburg ay dileen kooxo burcad ah, kaasi oo lagu dhexdilay baabuur nooca dad-weynaha oo uu ku dhaqeysanayay, darawalkaas ayaa lagu magacaabi jiray Kamaal Xasan oo loo garan ogaa [Cabdi Taajir].
About The Author
