Caawa oo ah habeen Khamiis ah waa 1-da bisha barakaysan ee Ramadaan, Bahda mareegta islaamiga ee Calamada waxay dhammaan akhristeyaasheeda iyo guud ahaan umadda islaamka ah u diraysaa hambalyada bilashada bisha barakaysan ee Ramadaan oo caawa si rasmi ah inoogu billaabmatay.
Bishan barakaysan ee Ramadaan waa bishii khayrka iyo cibaadada waa bishii Qur’aanka waa bishii Jihaadka waa bishii cibaadaadka ay aadka u badin jireen muslimiinta, sidaas darteed waxaa muhiim ah inaan ka faa’ideysanno khayrka ka buuxa bishan oo aynu ka faa’idaysanno fursaddan naadirka ee sannadkiiba mar soo marta muslimiinta.
Curashada bisha barakaysan ee Ramadaan awgeed waxaan akhristeyaasheenna ogaysiinaynaa inaanu si maalinle ah ugu soo gudbin doonno duruus muhiim ah oo cinwaankoodu yahay (فتوحات اسلامية في شهر رمضان) duruustan oo ah kuwa muhiim ah waxaa jeedinaya Sheekh Aadan Sunne oo ka mid ah culimada diinta islaamka.
About The Author
