Iyadoo damaca badeed ee Itoobiya uu marba marka ka dambaysa sii laba-laxaadsanayo ayaa mas’uuliyiin ka socda dowladda Saliibiyada Itoobiya ay gudaha caasimadda Soomaaliya ee Muqdisho ka shaaciyeen fulinta heshiisyo ka dhan ah Badda Soomaaliya oo ay la saxiixdeen madaxa kooxda Villa Somaliya Murtad Xasan Sheekh Maxamuud.
Saraakiil ka socoty dowladda Xabashida Itoobiya ayaa soo bandhigay qorshaha shirqool ka dhan ah ummadda Soomaaliyeed oo ay la saxiixdeen murtad Gurguurte, kaas oo ay ka sheegeen shir muddo dhowr cisho ah ka socday caasimadda Muqdisho oo ay kasoo qayb-galeen isbahaysi gaalleed loogu magac-daray Ciidanka Heeganka Bariga Afrika oo magaciisa loosoo gaabiyo (EASF).
Kulankii dhacay khamiistii lasoo dhaafaya ayaa lagu soo warramayaa in mas’uuliyiintii ka socotay dowladda Xabashida Itoobiya ay kaga dhawaaqeen in cutubyada ugu horreeya ciidankooda ee qaybta ka ah hawl-galka AUSSOM ay noqon doonaan kuwa badda, isla markaana ay diyaariyeen maraakiib, doonyo dheereeya iyo guud ahaan agabkii ay ciidankaasi ku hawl-geli lahaayeen.
Sida ay wararku tibaaxayaan saraakiisha ka socotay dowladda Xabashida Itoobiya ayaa madashaasi si aan gebasho lahayn oo kalsooniya ugu soo bandhigay heshiis ay kooxda Gurguurte iyo maamulka Abiy Axmed ku kala saxiixdeen Addis Ababa markii la qeybinayay saamiga ciidan ee isbahaysiga AUSSOM.
Heshiiskan ay kooxda Villa Somaliya ka qarisay ummadda Soomaaliyeed ayay saraakiisha Itoobiyaanku bannaanka keeneen, waxaanay sheegeen in kooxda riddada Somaliya ay u ogolaatay in ciidamada Itoobiya ee ka qayb-qaadanaya hawl-gallka AUSSOM ay qayb ka noqdaan ciidamada Badda ee Itoobiya.
Shirkan ka qabsoomay Muqdisho ee Xabashida Itoobiya ay ka caddeeyeen badheedhahooda oo gunaanadkiisu ku astaysan yahay maanta oo Sabtiya, ayaan ilaa hadda aanay ka hadal kooxda riddada Soomaaliya, taas bedelkeedana waxay wefti u dirtay Addis Ababa, kuwaas oo qayb ka ah shir looga hadlayo wax lagu sheegay “Dib u eegista dhexe ee golaha wasiiradda Itoobiya iyo Soomaaliya”, sida ay shaacisay wasaaradda arrimaha dibadda Itoobiya.
Shirkan oo jimcihii shalay ka furmay hoteelka Hilton ee Addis Ababa ayaa xubnihii halkaasi ka hadlay ee kala metelayay dowladda Xabashida Itoobiya iyo kooxda riddada Somaliya ay si isku mid ah carrabka ugu dhufteen in muhimadda shirku ay tahay xoojinta xiriirka labada dhinac, iyadoo kooxda riddadu ay si weyn ugu nuuxnuuxsatay in kulankani uu muhimad gaar ah siinayo wax-ka-qabashada arrimaha amniga iyo ballaarinta iskaashiga ee labada dhinac.
Shirarkan dhagaraysan ee ka socda Muqdisho iyo Addis Ababa ayaa dhammaantood gogol-xaar u ah sidii dowladda Xabashida Itoobiya u hir-gelin lahayd damaceedii ay ku rabtay inay ku xayuubsato qaybo ka mida Badda Soomaaliya, kadib markii heshiisyo xaaraan ah ay la saxiixatay madaxii hore ee maamulka Somaliland Murtad Muuse Biixi Cabdi iyo madaxa kooxda Villa Somaliya Murtad Xasan Sheekh Maxamuud.
About The Author
