Saraakiil ka tirsan waxay ugu yeeraan Nabad-Sugidda ee NISA oo ah jawaasiista Kooxda Riddada Soomaaliya ayaa si weyn uga qaylo-dhaamiyey fashilka amni ee ay wajahayaan kadib weerarkii barakaysnaa ee halyeeyada tawxiidku ay ku bartilmaameedsadeen Godka Jilicow oo ah taliska ugu weyn ee sirdoonka riddada gobolka Banaadir.
Mid ka mida saraakiisha NISA oo magaciisa qariyey ayaa u sheegay warbaahin laga leeyahay dalka Maraykanka oo lagu magacaabo Drop Site News, in weerarkii mujaahidiintu ku beegsadeen Godka Jilicow uu ahaa fool-xumo weyn iyo dhabar-jab xooggan oo soo wajahay amniga Kooxda Riddada Somalia.
Sarkaalkan ayaa qiray in xilliga mujaahidiintu weerareen Godka Jilicow ay ku shirsanaayeen saraakiil sare oo ka tirsan sirdoonka Kooxda Riddada Soomaaliya, waxaanu isagoo arrintan ka hadlaya uu yiri “Markii uu weerarku dhacay, waxaa Godka Jilow shir uga socday saraakiisha sare ee sirdoonka.”
Sidoo kale mas’uuliyiin ka tirsan NISA oo la hadlay Warbaahintan oo fadhigeedu yahay Washington ayaa qiray in waqtiga weerarku dhacay uu ahaa xilli saraakiisha sare ee NISA ay kulan todobaadle ah ku lahaayeen Godka Jilicow, taas muujinaysa ayay yiraahdeen in xog sirdoon oo sax ah ay xoogagga Al-Shabaab ka haysateen howlaha ka socday gudaha xaruntaasi.
Sarkaal kale oo ka tirsan sirdoonka Kooxda Riddada Soomaaliya ayaa warbaahinta Drop Site u xaqiijiyay in rag looga shakisan yahay Jihaadiyiinta Al-Shabaab ay gabi ahaanba baxsadeen intii uu socday hawl-galkaasi, kaas oo Drop Site ku tilmaantay dhirbaaxo kulul oo ku dhacday Kooxda Villa Somaliya.
Murtad Abuukar Carmaan oo mar soo noqday wakiilka gaarka ah ee Kooxda Riddada Somaliya u qaabislan Maraykanka, ah-na falanqeeye amni oo u waramay Warbaahinta Drop Site, ayaa ku tilmaamay weerarkii Godka Jilicow, musiibo weyn oo fashil ku ah amniga Riddada Soomaaliya, maadaama uu ka dhacay ayuu yiri, xarunta ugu weyn ee xuddunta u ah dagaalka ay kooxda Riddadu kula jirto jihaadiyiinta Al-Shabaab.
Isagoo murtadkani tilmaamaya sida layaabka leh ee mujaahidiintu ay ula wareegeen gacan-ku-haynta xaruntan xasaasiga ah ayaa yiri “Meel lagu wareysto laguna xiro dadka looga shakisan yahay Al-Shabaab ayaa lagu qabsaday maalin cad…” Waxaanu intaas ku daray Abuukar Carmaan in fashilka iyo guul-darrada soo food-saartay maamulka Muqdisho aanu u muuqan mid intaas ku ekaan doona.
Warbaahinta Drop Site News waxay ku xustay warbixinteedan in hawl-galka Godka Jilicow uu kusoo aaday xilli Kooxda Villa Somaliya iyo Isbahaysiga AUSSOM ay wajahayaan guuldarro weyn oo dhinaca ammaanka ah, halka Jihaadiyiinta Al-Shabaab-na ay sii kordhiyeen hawl-galladooda, iskuna fidiyeen dhul aad u ballaaran.
About The Author
