Saraakiil ka tirsan ciidamada Booliiska dowladda saliibiyadda Kenya ayaa isku dilay saldhig ciidan oo kuyaal ismaamulka Siaya ee ka tirsan dalkaasi sida ay soo wariyeen ilo wareedyo xog_ogaal ah.
Dhacdadu waxay ka dhacday saldhigga Booliiska Ng’iya, waxaana markii ugu horraysay toogasho uu saldhiggaasi ka gaystay Martin Mwendwa ku dhintay sarkaalkiisa ka sarreeyay oo magaciisa lagu sheegay Chesise.
Dilka taliyaha saldhigga Ng’iya, ayaa yimid markii sarkaalka kale ee Booliiska ah oo adeegsanaya qori nooca G3 oo aad looga isticmaalo gudaha Kenya uu galay qolka uu saldhigga Booliiska ka deganyahay sarkaalkaasi, kaddib na uu dhowr xabbadood kaga dhuftay qaybaha dhexe iyo sare ee jirka.
Masuuliyiin ka tirsan saldhigga uu weerarku dhacay ayaa sheegay in uu jiro muran u dhaxeeyay labada sarkaal ama sidoo kale uu jiri karo sida ay warka u dhigeen xanuun dhanka maskaxda ah, taasi oo keentay bay dhaheen in uu sarkaalku dilo mid kale.
Waxaa dilka loo gaystay Chesise kusoo baxay saraakiil kale, kuwaas oo meel aan ka fogayn saldhigga ku toogtay sarkaalka wax dilay, xilli uu isku dayayay in uu goobta ka baxsado, balse dhexda loo galay, sidaas na lagu dilay.
Saraakiishu waxay sheegeen inay billaabeen baaritaanno ku saabsan dilalka ka dhacay saldhigga Booliiska, waxayna tilmaameen in uu jiro khilaaf labada sarkaal u dhaxeeyay, waxay sidoo kale sheegeen inay wadaan baaritaano ku aaddan jiritaanka xaalad caafimaad darro oo lasoo gudboonaatay sarkaalka koowaad ee dilka gaystay.
Meydadka labada sarkaal ayaa lasoo wariyay in loo qaaday goobta meydadka la dhigo ee ismaamulka Siaya, si baaritaanno loogu sameeyo, dhacdada ayaa dhacday aroonimadii hore ee saaka.
About The Author
