Magaalada Muqdisho waxaa saacadihii lasoo dhaafay ka dhacay kulan dhex-maray saraakiil ka tirsan dowladda Riddada Masar iyo saraakiil kale oo ka tirsan kooxda Riddada Soomaaliya.
Kulanka oo gaar ah u dhaxmaray saraakiil ka tirsan gaashaandhiga Riddada, sida wasiiru dowlaha wasaaraddaasi murtadka lagu magacaabo Cumar Cali Cabdi, taliyaha ciidamada dhulka ee Riddada murtad Sahal iyo u qaybsanaha wazaaradda difaaca dowladda Riddada Masar murtad Axmed Fatxi Alxuseyni, ayaa diiradda lagu saaray arrimaha difaaca iyo ciidamada Masar ay doonayso inay usoo daabusho Soomaaliya.
Ciidankan oo qayb ka ah howlgal gaaleedka kuffaarta Afrikaanta ee loogu magac daray (AUSSOM), ayaa imaatinkooda waxaa dhowaan qalinka ku duugay urur gaaleedka midowga Africa, waxaana si wayn u diiddan dowladda saliibiyadda Itoobiya.
Dowladda xabashida Itoobiya oo maalmo ka hor ka hadashay ciidankan ka tirsan dowladda Riddada Masar ee lagu wado in la keeno Soomaaliya, ayaa sheegtay inay iska difaaci doonto, maadaama Masar iyo Itoobiya ay isku hayaan biyo xireenka ay Addis-ababa ka dhisatay wabiga Niil ee Al-nahda, Kaasi oo ay dhowaan soo gabagabeysay, kuna wado inay howl-geliso.
About The Author
