Gaal American ah oo ay ku fogaatay nacaybka uu u qabo islaamka iyo ehehlkiisa ayaa aflagaadeeyay Qur’aanka Kariimka, Nabi Muxammed ﷺ iyo muslimiinta, xilli uu la hadlayay qof muslim ah oo kasoo jeeda dalka Masar.
Gaalkan ayaa kasoo muuqanaya muuqaal uu kula hadlayo ninka kasoo jeeda dalka Masar, waxaana muuqaalkaas lagu daawan karaa isagoo aflagaadeynaya Qur’aanka kariimka, Nabi Muxammad ﷺ iyo dadka muslimiinta.
Ninkan oo ah sarkaal Ameerikaanka ah, oo horay xil sare uga soo qabtay wazaarada arrimaha debadda ee xukuumadda Washington, laguna yaqaanno cunsuriyadda iyo nacaybka uu u qabo islaamka iyo ehelkiisa, ayaa dhanka kale soo muuqanaya isagoo ku jeesjeesaya shuhadada caruurta ah ee reer Gaza.
Gaalkan oo lagu magacaabo, Stuart Seldowitz, ayaa waxa uu ku faanay xasuuqa bahalnimo ee dowladdiisu qaybta ka tahay ee ay kula kacayaan carruurta Gaza.
Wuxuu sheegay inaysan carruurta Gaza ee ku shahiiday duqaymaha bahalnimo ku filnayn in laga dilo 4 kun oo kaliya, waa sida uu hadalka u dhigaye, balse tiradaas uu ku faanay inay ka dileen caruurta Gaza ayaaba ah mid ka fog xaqiiqda, oo tirada shuhadada caruurta Gaza ayaa ah inka badan 6 kun oo ruux.
Muuqaal aad ugu faafay baraha Internet-ka aya muujinayay sarkaalkan Amerikanka ah oo qof warate ah ku dhahaya, “ma ogtahay inaan dilnay 4,000 oo caruur Falastiiniyiin ah, taasina naguma filna, oo naguma filna, ayuu ku yiri.
Markii uu muuqaalkan faafay, waxaa aad loo dhaleeceeyay gaalkaan ku faanay inay dileen caruurta abriyada ah ee Falastiiniyiinta, sidoo kalena muujiyay rabitaankiisa ah inay dilaan kumanaan kale oo caruur Falastiiniyiin ah.
Shirkaddii uu la howlgalayay ayaa markii ay aragtay muuqaalka aadka u faafay ee muujinaya cunsuriyadda gaalkan Ameerikaanka ah iyo ku faanidda dilka carruurta, ayaa sheegtay inay ka xumaatay, sidoo kalena xustay in hadalka uu ku hadaaqay uu yahay mid aan shirkadda aragtideeda ka tarjumayn, ee uu isagu ku kooban yahay.
About The Author
