Howlgal qarax ah oo ciidamo ka tirsan mujaahidiintu maanta ka fuliyeen degmada Afgooye ee wilaayada Sh/hoose ayaa lala beegsaday guri uu degmadaasi ka dagganyahay murtad sarkaal ashahaada la dirir ah oo lagu magacaabo Anwar Ibraahim Yuusuf, kaasi oo ah taliyaha maleeshiyaadka Riddada gaar ahaan kuwa dharcadka Afgooye.
Saraakiisha ciidamada mujaahidiintu waxay soo sheegeen in sarkaalka murtadka ah ee la beegsaday uu si dirqi ah uga badbaaday howlgalkan, balse ay dhaawacyo kala duwan soo gaareen saddex ka mid ah ilaaladiisa gaarka ah.
Dhanka kale waxay faahfaahinno kasoo baxayaan howlgal qarax ah oo ay ciidamada mujaahidiintu saacadihii lasoo dhaafay ka fuliyeen xaafadda suuq yaraha ee degmada Dharkenley, waxaana howlgalkaasi qaraxa ahlagu dilay laba askari oo murtadiin ah, halka sidoo kalena ay ku dhaawacmeen laba kale.
Gedona waxay mujaahidiintu weerar culus ku ekeeyeen saldhigga maleeshiyaadka Ridada ee degmada Buurdhuubo, waxaana halkaasi ka dhacay dagaal culus oo la isku adeegsaday hubka noocyadiisa kala duwan.
About The Author
