Dagaalyahano hubeysan oo ka tirsan Xarakada Mujahidiinta Al-Shabaab ayaa maanta weeraro qorsheysan oo Dilal ah ka fuliyey magaalada Muqdisho kuwaas oo lagu beegsaday Saraakiil iyo maleeshiyaat ka tirsan DFS.
Mid ka mid ah weeraradan ayaa ka dhacay agagaarka Isgoyska Bakaaraha ee magaalada Muqdisho, waxaana lagu dilay Sarkaal ka tirsan ciidanka Police-ka DFS iyo askari ilaalo u ahaa.
Dad goobjoogeyaal ah ayaa sheegay in Sarkaalkan iyo askariga la socday lagu dilay meel u dhow isgoyska Bakaaraha, islamarkaana kooxihii weerarka geystay ay si nabadgalyo ah kaga tageen halka uu weerarku ka dhacay.
Saraakiil ka tirsan Mujaahidiinta Al-Shabaab xaqiijiyey in dagaalyahanada weerarka fuliyey ay qaateen qori AK47 ah oo uu watay askariga.
Dhanka kale Labo xubnood oo ka tirsan ciidamada military-ga ee DFS ayaa duhurnimadii maanta lagu dilay agagaarka isgoyska Baar Ubax ee magaalada Muqdisho sida ay xaqiijiyeen dad goobjoogeyaal ah.
Weerarkan oo ay fuliyeen rag ka tirsan dagaalyahanada Al-Shabaab ayaa lagu beegsaday Sarkaal iyo askari ka tirsan ciidamada military-ga xilli ay la socdeen gaari Kaarib ah.
Goobjoogeyaal ayaa sheegay in ragga weerarka fuliyey ay si nabad ah kaga dhaqaaqeen goobta iyagoo aanan wax iska caabin ah kala kulmin ciidamadii DFS ee ku sugnaa isgoyska.
Dilalka qorsheysan ee ka dhanka ah saraakiisha iyo maleeshiyada DFS ayaa aad u kordhay todobaadyadii ugu dambeeyey, waxaana ay imaanayaa iyadoo khilaaf xoogan uu hareeyey saraakiisha amniga ee DFS kaas oo salka ku haya xasilooni darada amni ee ka jirta caasimadda.
About The Author
