Ciidamada guutooyinka qaraxyada xarakada Mujaahidiinta Al-shabaab ee ka howlgala magaalada Kismaayo waxay maanta qarax culus la beegsadeen sarkaal sare oo ka tirsan maamulka isku magacaabay Jubbaland.
Qaraxa oo ahaa mid jugtiisa si wayn looga maqlay qaybo ka mid ah xaafadaha magaalada waxay ciidamada Mujaahidiintu ku weerrareen hoyga uu magaalada Kismaayo ka degan yahay Axmed Maxamed Taqal oo ah sarkaal sare oo ka tirsanaa jawaasiista dharcadda maamulka Axmed Madoobe.
Ilo wareedyo masuul ah waxay xaqiijiyeen in qaraxa oo ahaa mid si wanaagsan loo agaasimay uu ka dhex dhacay hoyga Axmed Maxamed Taqal ujeedka qaraxa ayaana ahaa in lagu khaarajiyo sarkaal balse uu soo gaaray dhaawac halis ah.
Dhaawaca sarkaalka waxaa loola cararay cisbitaallada maamulka Jubbaland uu ku leeyahay magaalada Kismaayo ee xarunta gobolka Jubbada hoose waxaana aad looga dayrinayaa xaaladda caafimaad ee sarkaalka.
Qaraxan maanta magaalada Kismaayo lagula beegsaday masuulka ka tirsan maamulka isku magacaabay Jubbaland waxa uu kusoo beegmayaa xilli deegaannada ku dhow dhow magaaaladaas ay si joogto ah u marti galiyaan weeraro laayaan ah oo kaga yimaada dhanka xarakada shabaabul Mujaahidiin.
Halkan Kala Soco Wararka Deg Dega Ah Ee Website-ka Calamada.
Calamada.com
About The Author
