Ken Kavunga Wali wa sarkaal ka tirsanaa ciidanka waxay ugu yeeraan asluubta saliibiyiinta dowladda Kenya, oo saacadihii lasoo dhaafay lagu dilay magaalada caasimadda u ah waddankaasi ee Nairobi.
Waaxda dambi barista Kenya ee loo soo gaabiyo DCI-da ayaa sheegtay in sarkaalkan uu ka mid ahaa kooxo burcad ah oo dhac ka gaysanaysay magaalada Nairobi, iyadoo intaa ku dartay in uu dhintay, ka dib iska caabin adag oo uu kala kulmay haweenayda ay dhaca u gaysanayeen.
DCI-da dowladda Kenya ayaa sheegtay in sarkaalkan oo ahaa mid hubeysan uu ka howlgali jiray xabsiga galbeedka Nairobi, halka sarkaalka lagu dilay ayayna ku sheegtay xaafadda Kilimani ee caasimadda waddankaasi.
Burcadda uu ka midka ahaa sarkaalkan ayaa lasoo wariyay inay si gaar ah uga gaysteen waddada Muchai Drive ee xaafadda Kilimani ee waddanka Kenya, tan ayaana qayb ka ah fadeexadaha loo diiwaan galiyay ciidamadda Kenya.
Ma ahan markii ugu horraysay oo dil loo gaysto sarkaal ka tirsan ciidanka Kenya, 2019-kii ayay ahayd markii askari ka tirsan ciidanka Kenya uu toogasho ku dilay sarkaal sare oo ka tirsanaa ciidanka booliska Kenya.
About The Author
