Weeraro qorsheysan ayaa saacadihii lasoo dhaafay ka dhacay degmooyin katirsan magaalada Muqdisho iyo duleedkeeda waxaana lagu beegsaday askar iyo saraakiil.
Xoogag hubeysan ayaa xalay fiidkii degmada Waaberi ku dilay sarkaal ciidan sidoo kale weerar ka dhacay degmada Yaaqshiid ayaa dhaawac halis ah lagu gaarsiiyay sarkaal magaciisa lagusoo gaabiyey Shalleyste Cali.
Sarkaalka ladhaawacay ayaa katirsanaa ciidamada Nabad sugidda waxayna darajadiisa ciidan aheyd Gaashaanlle Sare, dhinaca kale weerar xooggan ayaa lagu qaaday saldhigyada ciidamada shisheeyaha AMISOM ay ku leeyihiin deegaanka Lafoole ee duleedka Muqdisho.
Dadka deegaanka ayaa sheegay in shalay gelinkii dambe ay maqlayeen jugta madaafiic lays dhaafsanayay, xalay fiidkii ayaa la sheegay in iska hor’imaad xooggan ay xoogaga Al Shabaab iyo ciidamada Burundi ku dhaxmareen duleeyada Muqdisho.
Sidoo kale ciidamada mujaahidiinta ayaa xalay weeraray saldhigyada ciidamada AMISOM ay ku leeyihiin degmada Buula Mareer iyo deegaanka Ambareeso ee gobolka Sh/Hoose.
About The Author
