Maalmihii lasoo dhaafay ciidamada mujaahidiinta ee jamaacada Nusratul Islam waxay cagta mariyeen illaa 3 saldhig oo ay ku sugnaayeen ciidamada Riddada ee dalalka Mali, Burkiina-Faaso iyo Beniin, kuwaas oo sababay dhimashada inka badan 50 askari, waxaana lagu burburiyay saldhigyo ciidan, iyadoo sidoo kale lala wareegay hub tiro badan iyo gaadiid dagaal.
Weerarkii ugu cuslaa ayaa ka dhacay deegaanka Juuraa oo hoos taga gobolka Muubatii ee bartamaha Maali, waxayna ciidamada mujaahidiinta ee Jamaacada Nusratul-Islam Wal-Muslimiin qaadeen weerar ballaaran oo lala beegsaday saldhigyo ciidan oo isku raran ahaa, kuwaas oo ay ku sugnaayeen boqolaal ciidamo ah.
Inta la xaqiijiyay, ugu yaraan 40 askari ayaa lagu dilay weerarkan, waxaana guud ahaan saldhigyadii ciidamada Maali ee la weeraray ciidamada mujaahidiinta, kadib markii askartii ku sugnaa ay noqdeen wax la laayay iyo kuwo firxaday, siwirro ay baahisay mu’assasada Az-Zallaaqa ayaa muujinayay raadadka uu reebay weerarka, waxaana laga dheehan karaa jabka ciidamada Maali ku gaaray goobta uu dagaalku ka dhacay, kuwaas oo raxan raxan u daadsan gudaha iyo hareeraha saldhigga.
Ciidamada mujaahidiinta ayaa gacanta ku dhigay inta badan hubkii yiillay xerada la weeraray waxaana kamid ahaa 6 gaari oo nooca dagaalka ah, 5 qori oo Dhishiikayaal ah, 13 qori oo dabajeexyo ah, 4 qori oo RPG ah iyo 57 qori oo AK-47 ah. Waxay sidoo kale mujaahidiintu dagaalkan ku gubeen 21 gaari oo ay ku jireen saddex gaari oo kuwa dagaalka ah, iyagoo dab qabadsiiyay guud ahaan xerada iyo teedhooyinkii ay ciidamada Maali ku lahaayeen halkaas.
Dhanka kale, weerar kale oo dhaliyay khasaare xooggan ayaa ka dhacay dalka Burkiina-Faaso, gaar ahaan gobolka Wahigooya ee woqooyiga dalkaas, kolonyo ciidamo ah oo ku safraysay meel u dhow xuduud beenaadka uu dalkaasi la wadaago Mali ayaa lala beegsaday howgallo isugu jira qaraxyo iyo weerarro toos ah, waxaana halkaasi lagu dilay ugu yaraan 10 askari. Weerarkan ayaa ahaa mid dhabbagal ah oo si xeeladeysan loo diyaariyay, waxaana maleeshiyaadkii weerarka lagu qaaday laga furtay gaadiid, qaraxyo iyo rassaas badan.
Dhanka waqooyiga Beniin, gaar ahaan deegaanka Mikoro oo ku dhow xuduud beenaadka uu wadankaasi la wadaago Burkiina-Faaso. Ciidamo aad u hubaysan oo ka tirsan jihaadiyiinta ka hawgala dalkaas ee Nusratul Islam ayaa waxay weerar qorshaysan ku qaadeen saldhig ciidan oo ay ku sugnaayeen ciidamada dalkaas, askarta la weeraray ayaa isku dayay inay sameeyaan iska cabin ka dhan ah jihaadiyiinta, balse ugu damabayn cagaha ayay wax ka dayeen, kaddib markii ay difaacyada ugusoo daateen jihaadiyiinta, waxaana halkaas ka dhacay dagaal xooggan oo gacmaha la’iskula tagay, inkastoo aysan jihaadiyiintu sheegin khasaaraha gaaray ciidamadii ku sugnaa halkaas, waxaa hadana dhanka kale u suura gashay mujaahidiinta in ay la wareegaan agab iyo saanad ciidan oo ay ka carareen ciidamada Beniin, sida ay sheegtay warbaahinta Az-Zallaaqah.
Wadamada ku jira isbahaysiga cusub ee dhanka difaaca ah ee loo yaqaano AES oo ka kooban dalalka Maali, Burkiina-Faaso iyo Nayjar ayaa wajahaya cadaadis xoogan oo kaga imaanaya dhanka Jihaadiyiinta Jamacada Nusratul Islaam Wal-Muslimiin, waxaana bilihii u damabayay dhacay boqolaal weeraro ah oo dhulka la simay awooddii ciidan ee ay lahaayeen dalalkaasi, iyadoo ay u dheer tahay kacdoon daakhili ah oo ay shacabku kagasoo hor jeedaan xuukamadaha talada dalalkaas haya.
Halkan ka degso dhamaan sawirrada weerarka Juura oo PDF ku diyaarsan.
Ama hoos ka daawo qaybo ka mid ah.
About The Author
