Ugu yaraan 34 qof ayaa la xaqiijiyay inay dhinteen halka 12 kalena ay dhaawacmeen, kaddib shil xooggan oo maanta ka dhacay gobolka Tamnraset, ee dhaca koonfurta waddanka Al-jazaa’ir ee waqooyiga qaaradda Africa.
kooxaha difaaca madaniga ee xukuumadda Al-jazaa’ir ayaa qoraal ay soo saareen ku sheegay in shilkaasi uu yimid ka dib markii ay isku dhaceen bas rakaab ah iyo baabuur kale oo shidaal siday, kadibna uu dab qabsaday gaadiidkii isku dhacay iyo gaadiid kale, taas oo keentay in khasaare baaxad leh oo isugu jira naf iyo maal.
Bayaanka kooxaha madaniga ah ayaa lagu sheegay in 34 qof ay u dhinteen dhaawacyo culus oo kasoo gaaray dabka ka kacay baabuurta isku dhacday, halka 12 kale iyagoo dhaawacyo qaba loola cararay xarumaha caafimaadka.
Shil kale oo isla maanta ka dhacay koonfurta waddanka Al-jazaa’ir ayay kooxaha difaaca madaniga ah sheegeen inay ku dhinteen 26 qof, halka ay ku dhaawamceen 4 kale, tirakoobkan ayuu sheegay in uu yahay mid horudhac ah.
Hoos Ka Daawo Sawirrada Shilka.
About The Author
