Ciidamo katirsan Shabaabul Mujaahidiin ayaa isku ballaariyay deegaanno katirsan gobolka Sanaad ee waqooyiga dalka Soomaaliya.
Sida wararku sheegayaan dagaalyahannada Jihaadiga Al Shabaab ayaa markii ugu horraysay awood maamul ku yeeshay dhowr deegaan oo katirsan gobolka Sanaag halkaas oo ay kala maamulayeen Somaliland iyo Puntland.
Deegaanada ay Mujaahidiitu gacanta ku dhigeen waxaa kamid ah deegaanada Mirici, Masha-caleed, Xabaasha Aw-Cali iyo Markeet. Deegaanadaan ayaa ku yaalla duleedyada degmada Laasqoray ee Gobolka Sanaag.
Dagaalyahanadan Jihaadiga ah ayaa hawgallo lagu xaqiijinayo ammaanka halkaas ka sameeyay iyagoo dhanka kalena kulamo la qaatay waxgaradka gobolka Sanaag.
Mid kamid ah hawgallada ay ciidamada Al Shabaab sameeyeen wuxuu ka dhacay halka loo yaqaano Gurya-Samo oo u dhexeeya degmooyinka Badhan iyo Laas-Qoray ee Gobolka Sanaag.
Intii ay howlgalladu socdeen ayay gacanta ku dhigeen gaari siday Khamri aad u farabadan kaas oo ladoonayay in lasoo geliyo deegaanka.
Mid kamid ah dadka deegaanka oo la hadlay Idaacada Islaamiga ah ee Andalus aya ka warbixiyay imaatinka Ciidamada Shabaabul Mujaahidiin ee deegaanadooda, hawgallada lagu xaqiijinayo ammaanka ee ay halkaas ka sameeyeen iyo sida ay u arkaan in markii ugu horreysay ay Mujaahidiintu deegaanadaas soo gaaraan kana hirgeliyaan ku dhaqanka Shareecada Islaamka.
Wararka laga helayo gobalka Sanaag ayaa intaasi ku daraya in dagaalyahannada Al Shabaab ay la wareegeen gacan ku haynta wadada isku xirta degmooyinka Laasqoray iyo Badhan halkaas oo ay ku yaallaan dhowr tuulo.
Mujaahidiinta Al Shabaab ayaa horay ula wareegay deegaanka Gacan Maroodi oo Sanaag katirsan balse waa markii ugu horraysay oo ay kulaalaan Badhan iyo Laasqoray.
About The Author
