Weerarka ayaa shalay gelinkii dambe ka dhacay wadada dheer isku xirta magaalooyinka Embeketoni iyo Hindi ee Gobolka Laamu xilli ay wadadaas marayeen gaadiid ay leeyihiin ciidamada booliska Kenya
Afhayeenka Ciidamada milatariga Al-Shabaab Sheekh Cabdi Caziiz Abu Muscab oo la hadlay Idaacada Andalus ayaa sheegay in dagaalyahannadoodu ay halkaas ku dileen mid kamid ah askartii booliska Kenya, qaar kalena ay ku dhaawaceen.
Sheekh Abuu Muscab ayaa intaas ku daray in ay gacanta ku dhigeen laba kamid ah gaadiidkii ay wateen ciidamada Booliska Kenya, kadibna ay halkaas ku gubeen.
Afhayeenka Ciidamada Al-Shabaab ayaa intaas ku daray in ay hal qori gacmeed ay ka qaniimaysteen ciidamadii Kenyaatiga ahaa.
” Kamiin ayaan u dhignay ciidamada Kenyaatiga ah Gobolka xeebta ku yaalla ee Laamu, kamiinka waxaa kusoo dhacay laba gaari oo boolis ah, dagaal weyn ma aysan nala gelin oo durbadiiba way kala carareen” Ayuu yiri Sheekh Abu Muscab.
Mar uu ka hadlayay gaadiidka ay ka gubeen ciidamada Booliska Kenya ayuu yiri ” Labadii gaari waan gubnay, hal qorina waan kasoo qaniimaysanay. Waxay qayb ka ahayn hawgallada Mujaahidiinta ee gudaha dhulalka Muslimiinta ee ay Kenyaatigu xoogga ku haystaan, halkooda ayayna kasii socon doonaan insha-Allaah” .
Ciidamada Mujaahidiinta Al-Shabaab ayaa tan iyo markii ay Ciidamada gumaysiga Kenya soo galeen gudaha dalka Soomaaliya waxaa ay iyaguna gudaha u galeen gudaha dalka Kenya halkaas oo ay ka bilaabeen howlgallo ay kula xisaabtamayaan Kenyaatiga Waxaana inta badan weeraradu ay ka dhacaan gobollada NFD, Lamu iyo Mombasa.
About The Author
