Dowlada Kenya ayaa sheegtay in askarteeda ku sugan gobolka Gaarisa ee dhulka NFD ay waxyeelo kasoo gaartay qarax lagula beegsaday xili ay ku socdaalayeen qeybo kamid ah gobolkaasi.
Ugu yaraan 3 Sarkaal oo katirsan booliiska dalka Kenya ayaa ku dhaawacmay Qaraxan oo lagula beegsaday meel ku dhow magalada Gaarisa sida ay xaqiijiyeen saraakiisha booliska dalkaasi.
Boolisku waxay sheegeen in askartan ay ka mid ahaayeen kolonyo galbinaysay xildhibaan lagu magacaabo Ibraahim Cabaas oo ka tirsan baarlamaanka ismaamulka Ijara kuwaas oo weerarka qaraxa ah la kulmay xili ay kusii jeedeen degmada Haluuqa.
“Darawalka iyo askar kale ayaa waxaa soo gaaray dhaawacyo halis ah” ayay booliisku ku sheegeen warbixin ay weerarkan kasoo saareen.
Booliska Xukumada Nairobi ayaa weerarkan ku eedeeyey inay fuliyeen dagaalyahannada Al-Shabaab, wuxuuna weerarkan noqonayaa kii labaad oo todobaad gudihiis ka dhaca gobolka Gaarisa isla markaana khasaara kala duwan lagu gaarsiiyey Saliibiyiinta kenya.
Dhinaca kale Al Shabaab ayaa sheegtay mas’uuliyadda qaraxan lala beegsaday askarta Kenyaanka ah, war kasoo baxay taliska ciidanka XSHM ayaa lagu sheegay in kolonyo gaadiid ah oo ku socdaalayay deegaannada Sheekh Xasan iyo Miskiti lagu beegsaday dhowr qarax.
illaa 3 gaari oo kooyaallo ah ayay jihaadiyiintu sheegeen in ay burbureen, qaraxyada kadib ayay gaadiidku rogmadeen arrinkaas oo sare usii qaadaya khasaaraha dhimasho iyo dhaawac
About The Author
