Shacabka ku dhaqan waaxda Kurdamac, degmada Dayniile ee magaalada Muqdisho, ayaa cabasho ka muujiyay burburin lagu sameeyay dhulkaasi, kaasi oo qayb ka ah boobka dhuleed ee kooxda Riddada Gurguurte ka wado caasimadda.
Dadka rayidka ah ee dhulalkooda la burburiyay, ayaa sheegay in maleeshiyo badan oo murtadiin ah lasoo dul-dhigay, kuwaas oo uu watay sarkaal murtad ah oo darajadiisa lagu sheegay General, waxay sheegeen inay halkaas ku dhibaateeyeen dad shacab ah oo ay waayeello ku jiraan, intaas kaddib-na burburin lagula dhaqaaqay dhulalkooda.
Iyaga oo warbaahinta la hadlayay ayay sheegeen in dhulalka la boobay ee ay saraakiisha kooxda Riddada Gurguurte burburisay ay yihiin kuwa gaar ah oo ay iyagu leeyihiin, una haystaan sharciyad sax ah, waxayna soo bandhigeen Dokomentiyo iyo sabarloogooyin.
Waxay sheegeen inaysan aqbali doonin in dhulalkooda la iska qaato, waxayna tani qayb ka tahay dhul-boobka xarka goosadka ah ee madaxda Riddadu ka wadaan magaalada Muqdisho, kuwaas oo si isku mid ah u dhaca dhulalka danta-guud iyo kuwa gaarka loo leeyahay.
About The Author
